決定

尋日終於做左一個決定

我終於開口同我做part-time個間寵物店老闆娘講我唔做啦..

我係襯老闆出左去, 老闆娘又係度做緊野先開口..

因為我好眼淺..我驚佢地睇到我流眼淚..

我講左之後..我d眼淚己經忍唔住..好在老闆娘無發現..

老闆娘當堂呆一呆..佢既眼神話左比我知佢覺得好突然同驚訝..佢答我話好啦..我用左話媽咪身體唔好想陪佢多d為理由..

雖然唔係下個月開始唔返..都會做埋下年二月..不過好似聽日就要別離咁..

計到07年2月的話..我足足係度做左七年..七年.. 我覺得我自己付出多..得到既都多..

同佢辭職之後.. 好似有少少內疚感.. 亦好唔捨得..好似做錯野咁..都有少少後悔添..

我同阿哥講..佢都講得岩..遲早都有呢一日架啦..你都要有返d自己時間..廿幾歲都要出去玩下..無理由做一世架..

佢係岩..但佢又好似唔多明白我既心情..可能始終佢都感受唔到我係呢七年裏面得到既知識,快樂同親情啦..

um..唔知..老闆聽之後會點..佢2公婆會唔會訓唔著呢尋晚

tHiS wEek

今個星期發生好多事呀..

首先係媽媽入醫院.. 照到胸口有2粒類似瘤既野.. 要抽少少出黎化驗.. 二至三日後先知..好擔心

另外.. 同brandy鬧交.. 終於知道咩叫好心著雷pat.. 竟然換黎粗口慰問.. 算啦..

再跟住係生日..我都同佢講左生日快樂.. 佢好平淡咁答我thx.. 之後我試探佢..睇下佢又有無同埋女朋友一齊..佢話無.. 本黎想繼續傾..但我又比佢d好似好忙好敷衍既態度打沉左.. 果然愛需要勇氣..

如果我的堅強任性　會不小心傷害了你
你能不能溫柔提醒　我雖然心太急
更害怕錯過你
愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你
放在我手心裡　你的真心