我見d電視又好電台又好都成日回顧九七至零七呢十年既人同事...咁等我都回顧下先...
最可惜既 --- 最記得九七年個時同晴晴表姐都好唔願架... 因為成日覺得英國統治係好...但係原因係因為個時我地2個超鐘意籃球明星... 覺得如果唔回歸既話呢..d籃球名星會黎香港既機會大d...哈哈...咩主權回歸後個d咁既對香港經濟前境喎...都唔知係乜....重記得同佢個時真係好friend... 重一齊係暑假睇2000奧運...重話2008年一齊去北京度睇NBA dream team比賽添... 當時都無諗過一張飛有幾貴... 又無諗過會買唔到飛...重好天真架個時...不過呢個暑假之後就各有各忙...開始好少聯絡哩.... 依家見返面都無乜2句....
最影响我既 --- 98年暑假亦都係佢黎到我屋企既開始... 個一刻我都同自己講你會係我既陪嫁狗狗...無諗過你無等到呢日... 重好清楚記得你第一晚返屋企個樣...重陪我過左好多個好悶既暑假... 永遠都懷念你..
呢十年我失去左三個親人... 比我真正體會到咩叫做永遠都見唔到佢地既感受...
呢十年我都失去左三個曾經愛過既人... 不過似乎係我回顧既呢一刻...無乜感覺..只覺得自己好蠢...點會為佢地流眼淚...
呢十年有最大既願望實現左...就係終於有自己間房... 第一晚訓唔著添...望住個陌生既天花板到天光呀.哈哈
呢十年呢有三個親人結緍啦... 好開心...亦好羨慕....
呢十年我由做學生變做上班一族啦... 真係好懷念讀書個時呀... 讀書真係好幸福... 不過我自問都算好彩..出黎打工做幾份工d老闆同上司都好好人... 真係好難得...
不過呢十年..我己經覺得自己老左好多咁..... 係街見到d妹妹仔好有青春活力架...自問我自己己經無左呢種活力啦...... 睇埋幾年前既相我都覺得自己老左啦...面色都差哂...把聲都好似沙哂咁啦... 唉....青春真係女性天生最大既敵人..... 放幾多錢係塊面都係無用...你點都鬥佢唔過....歲月不留人呀..........
寫寫下好灰添....等我再諗下...寫住先...
heehee....