2007年7月30日 -- 又沖涼又影相

今次又長左好多啦d毛毛... 有三分一個熊仔樣睇下...

呢張好似笑緊咁..好得意...

呢張點解唔望鏡頭呢..係因為...我媽咪用隻雞比引佢...

2007年7月29日 -- 西貢一日遊

今日佢興起話去西貢一日遊喎...咁我+mellow+bearbear 再叫埋joanne 一齊去啦... 再入去西貢攞毛媽...

係西貢長廊度行勒...

啱啱上車出發時既mellow...點解咁驚青係因為bearbear打佢呀...個條嗅bear咬左mellow隻耳仔一啖呀..所以bearbear比我放左係前面位坐.. 有無留意到mellow既頸巾仔呢..係marie富貴貓黎架..我既至愛..不過就要佢扮女仔啦....

有莎莎...joanne既狗狗... 好驚青...又唔行又唔同狗玩...好女仔既性格...

有毛仔...好聽話架..唔洗拖繩... 一叫就會返主人身邊架

呢個就係嗅bear... 佢隻衰狗... 因為係咁吠所以比佢罰無得落地玩...哈哈...抵死...

係毛媽屋企既mellow仔...係咁將毛仔d玩具據為己有...重要咬死melody添...

玩完一日返屋企既mellow仔係車度訓到好冧...唔願郁哩...

2007年7月28日 -- 狗展

今日去左亞洲國際博覽館既petexpo狗展呀... 不過mellow無得去..

我地一行四人一齊係荃灣搭專車去... 會場就大但係攤位又唔算多...

三點度開始行到六點先走... 場內好多大大小小既狗呀...

最大個隻有聖班納..同古代牧羊犬(剪左毛)..同雪橇...

佢條尾都長過我隻手呀....

最細個隻有teacup poodle呀..真係好細架咋..我估佢身長九至十吋度...好得意...

我自己就唔係買左好多野...不過我同行既朋友仔就多哩....佢地係掃貨...我就只係觀摩下姐...

六點行完之後就搭巴士去佢屋企..因為今晚到同佢+佢朋友一齊慶祝生日... 去左葵芳唱k... 由八點唱到四點呀...真係暈咁滯....

2007年7月27日--我和他共渡的第一個生日

我同佢既第一個共渡既生日...佢生日

我六點放工之後就飛車去銅鑼灣啦...但係約佢七點係銅鑼灣等...因為我要預先放低個蛋糕同埋禮物去個間餐廳

係一間食法國菜位於銅鑼灣怡和街英光大廈十二樓LE MARRON..

間餐廳都有少少情調...不過比我原先相像既少...野食都OK架..同佢個價錢一樣成正比既..都幾好食

我地七點鬆D去到..食到九點度啦..我就叫waiter羅埋個生日蛋糕出黎...佢都有少少意外架..可能諗住唔會有蛋糕啦...但係我地都已經超飽啦 (初時重驚佢唔夠飽..你知啦法國菜得個丁丁咁少野食架之麻每一個course)....個蛋糕半磅..切左2件...但係一人都係食左半件既三分一都無...好浪費呀...最後我再送禮物比佢...佢都好意外喎...因為佢諗住只係食飯無諗過要禮物...佢重見到個禮物袋係有牌子....就更加開心(因為佢唔係好注重名牌唔名牌..好睇就得..但呢個牌子個個都識咁滯啦...再加上我以為我係唔買名牌..唔大洗...唔鐘意行街買野既女仔..哈哈..佢重未了解我囉... )....我地食完飯去另一個地方時佢先拆禮物...係一件agnes b既黑色毛巾質料長袖外套... 好在買最大個size咋..佢啱啱好...跟住同我講... 話我咁有心思...搞到佢要早d諗定我生日時要點慶祝喎... 佢話去旅行喎...咁我話去澳門算啦..佢話唔得要搭飛機先算去旅行喎..嘻嘻....跟住我重講左句..."我第一次同男朋友慶祝生日架咋"  (其實係第一次2個人慶祝..都有諗過下點慶祝囉...又唔係真係第一次同男朋友慶祝既..不過佢都知架..我以前講過)... 當我咁講完佢個樣重開心...嘻嘻..我都開心...

不過我地無影相...唔知點解佢係唔鐘意影相架喎.....雖然回憶係腦入面姐...咁有相留念時就點都好d啦..無影相硬係踭咁d野咁...

新背景

呢個背景係我响ppc個度有個叫kathy cheung既小商戶狗友既圖黎架..

呢d係狗狗玩既毛公仔...我見到有奇異果咪即刻order左2個...

後尾諗諗下見之前個blog既背景好似好沈色..要換一換佢..就用左呢副相啦..

如果你見到就真係唔好意思... copy左你張相...

第2次鬧交

本黎好地地一餐飯之後變左一鬧交收場...

我唔明點解你唔可以話佢知你依家有女朋友...我唔明點解你唔可以同佢斷絶來往...

我唔明點解你要講埋d咁傷我心既說話之後你一句講笑..同埋痴線..同埋唔係咁都信呀..黎回應我...

明知我嬲..你重可以話如果佢約你..只要我話無所謂..你都會去.. 不過依家個女仔飲大左..去會出事... 出事既意思係你都覺得自己定力唔夠...定重鐘意佢...

點解你唔可以尊重下我..唔係每次我都唔嬲...唔介意你就可以得串進尺...唔係每一次嬲完會無事會唔記得..

你都識講大家既回憶係大家努力咁儲返黎..但同埋傷心既時都係會一齊儲起..

當然你知我嬲你會想盡所有甜美既說話去乙水我... 但對於我黎講呢d都真係一d甜美既說話而未必係真心話..

最後我只係講..你見佢..約佢...聽佢電話又好... 我係管唔到... 但在有下一次我估我未必忍到...

植晶片

今日帶左MELLOW仔去植晶片..藍地既魚農處流動車....真係搵餐死...

又熱又局.... 真係流左一公升的汗呀...

MELLOW都熱到申到條脷仔好長...

搵左半個鐘度終於搵到原來只係一駕電單車..跟住掛個牌-- 動物注射站..真係大到呢...

跟住好快就要打針針啦..比好多人嚇我話支晶片針好大支好粗..原來都唔係既...只係比平時個D粗D姐

MELLOW未感覺到已經打完啦...之但係佢驚魂未定既時候又打第二支瘋狗針..嘩..佢叫到幾可憐呀..

我真係想叫佢唔好打啦..真係打在佢身痛在我心呀...不過佢可能又扮野既...針都打完但都重嗌左成分鐘先肯收聲...真係十足十D人仔小朋友咁...跟住我抱住佢錫返佢啦..丫..佢又無事啦..

打針人員話佢要困籠四至五個鐘..唔可以玩得激烈..三日內唔好沖涼...三年後再打第2支瘋狗針...好多分附...所以我都即刻帶佢返屋企啦...

 

Mellow豬豬@栢麗灣

貴婦會又一個活動啦...7月15日栢麗灣下水日...我地2點9係荃灣西鐵站集合..跟住再搭船入去..

今日係咩佬仔第一次搭西鐵 (我都務住比人罰款既危險去搭架...好在無人發現) 第一次落地行..同埋游水架咋...不過佢無有怕既性格完全唔洗擔心..雖然佢都會搶繩..但係放左繩佢都有痴實我既...

佢重完全唔怕水...重學人玩浪添...即係無浪個時就走近D水..一有浪黎佢就退後咁..好鬼搞笑...

經過我搭車又搭船就到達目的地啦...點解好似天色咁黑呢..係因為我唔記得開閃光燈同埋去左大陽曬唔到既地方影呢張風景相...

..不過比人串我點解影雙船... 因為我要放係個BLOG度羅 (但我無講..因為佢唔知我有寫BLOG架)

咩佬仔都睇下環境先...

咩佬仔:  媽媽..點解呢度個地下咁淋既..點解呢度D一粒粒係咁痴住我D腳既...點解有幾隻船係度既...咁我點暢泳呀..同埋D水好似好污糟呀...點算好呀....

落左水既咩佬仔好似走左小小樣咁...D腳仔好似踩左屎屎咁呀...踩左屎既雞腳?定係沙薑雞腳呢...

咩佬仔: 等我係樹留返D腳印同腳毛先...

咩佬仔: 玩到好攰啦...不過媽媽話要合照留倩影喎...見媽媽笑到露牙..等我都露一露先...

終於有得換屋啦

mellow 仔:  終於有新屋啦..再唔洗訓個咁細既籠...你睇幾寬躺....
係啤啤爸爸幫我攞返屋企架..所以我都有錫啖佢...不過我見媽媽錫得重多啖既....

生病了的星期三 4-7-07

半病加半偷懶既情況底下....我就請左一日病假係屋企陪伴mellow仔...

佢當然開心啦..因為屋企好少有人會陪佢一日架麻...

無無聊聊所以又同佢影左幾張相...

佢侯左呢個咕"筍" 好耐架啦... 終於比佢坐到...

mellow : 媽媽..你睇下我企係懸崖邊...驚都未驚過....

mellow : 媽媽..我坐定定...可唔可以上床同你一齊訓覺仔...

mellow : 唔比我上床.... 我lup你架.......

mellow仔@莎莎屋

星期六30/6 去左莎莎屋企度倒蛋呀...

小mellow玩得好開心.. 返到屋企都訓到唔願起身....咁又係第一次咁甘耐又玩得咁開心...

最衰媽咪(我)唔記得影相啦...好在毛仔媽媽有幫我影左一張mellow樣姐...

你睇佢...玩到索哂氣....