我的新屋

到新屋啦...

搬左黎第一晚...我地個個人都訓死...........係唯獨隻狗唔訓...

成晚都唔肯訓...成晚係度做食蕉....周圍騰....可能佢太陌生啦.... 加上一有少少聲佢就吠.............搞到我係無訓過.................

好啦.... 比大家參觀下我個架部.........

之前因為d牆既色太姣了... 但家陣放左我d白色傢俬應該ok d....

先黎我個大衣櫃.....張床做二尺半都係為左個大衣櫃.............因為我實在太多衫

打開睇下......係爆哂架...........

掛都無位掛.............

除左衫多之外......我既公仔都好多.... 執既時候己經放棄左2大箱..送左去救世軍架啦...如果唔係..多間房都擺唔哂.....

廿幾歲人都重咁多公仔...........真係問你怕未..........

到我張公主床.....係咪好warm呢..................

重有半張書枱入左鏡....

成間房唯一比我相像中靚既就係呢個窗簾啦...... 好鬼死田園feel架....因為無開閃光燈...比較暗

呢個係我個鞋櫃黎架....... 放係窗枱...無謂哂位麻.........

我既波波燈.........

睇住啦...又係好有架部feel架.....hahaa

我部大電視...我覺得好大架... 26寸............

再黎我d耳環呀.... 多到可以擺檔................

重有頸鏈............

再有我寶貝既小天地......... 廚房....

你睇佢幾可憐.....

入面都好多位比佢走動架....呢...個個就係佢完全唔識用既狗廁所囉...........

呢張相影得佢超可愛.................好似坐檻咁...................哈哈...個衰咀又唔知重乜

搬屋

因為之前又要pack野又要去新屋度清潔...

加上搬左入去又超多野執...

加上新屋又未有得上網.......所以好耐先update度個blog

其實係三月十五日我就己經搬左入新居啦... 好彩當日係攞左搬屋公司咋...如果唔係真係變左做隻狗.....我幾時都話錢係要比人賺下......

呢次係我人生中第三次搬屋.... 至於第四次應該都係我嫁既時候哩 (希望)...

先懷緬下我既舊居先 ---

舊屋:

 

執得七七八八了..... 入屋都寸步難行了....影既當日重未係last day...

當所有野pack好哂之後... total 有54箱嘢呀........不過當中我只有6箱.....

呢度係一入屋條走廊...

大家留意...咩叫做 "現具" 呢.......... 媽咪寫既....笑左幾日...

mellow仔都有一箱喎...重係全場最輕添...

執執下野發現有d野係紙箱度既..........重會郁架....

行近d.....

 

 

 

佢申個頭出黎.....

原來我個寶貝怕唔帶佢走..所以自行pack 箱....

記得由細到大我恨左有自己間房好耐...呢間舊屋既房就係我第一間個人房啦...

比大家睇最後一次啦...

空空如也的書櫃....

放滿哂紙箱既床....

好闊落既書枱....

我個房裏面既傢俬中...呢樣野係最有紀念價值既.... 係一個舊朋友送... 重記得佢講過... 當我未訓著時..抬頭望上天花板就會諗起你... 果然你係好成功...到我搬既呢一刻都好記得你... 不過今次真係要同呢盞燈say goodbye 哩..... 留唔住個人留住盞燈都無用架啦....

另外... 搬屋咩都帶得走..不過記憶就真係帶唔走.... 係呢間屋..我就有一段最開心既記憶... 你依然係我最愛錫既狗狗... 唔知你依家去左邊呢...過得開唔開心呢.... 己經投左胎...定重等緊轉世做我既小朋友呢....好掛住你呀....

最後都要同舊屋講byebye了.........

 

剪毛毛course最尾一堂

終於到第三堂既剪毛堂啦...

因為今日要返工呀...迫住帶埋小佬豬返公司....

比人縳住係張椅度..無得走...你睇佢個傻樣仔幾得意

因為睇到大門口..成日望住出面...有人行過佢要叫...........

見我公司有個無敵海影梗係要同佢留倩影啦... 重有花花襯托...

影左一張之後...佢己經想食花啦.................

放工之後打的士去阿sir樹... 未剪毛既mellow.............都見得人丫.....重笑得好甜添...

玩完一輪之後............剪完啦............. 今次miss教左我手剪....成隻狗都手剪架....

hehe..有個大冬菇係佢個頭度...好得意...

加送上次同vancy, parkson佢地食飯幫我同mikemike影既合照....果然影得ok...

新居裝修中

新居裝修緊架啦...不過次次去都唔記得影相

我地鐵定三月十五日搬架啦....不過裝修個邊好似好"mon"水....

油左油啦.... 大廳...因為阿哥想特別少少...搞左少少花樣係大廳d牆身度...

有少少效果架..不過未完成...睇下大家覺唔覺...

我個房呀................. 發現隻色激得滯..... 好似................................."架部"

影相同燈光關係...其實實色比相中更紅架.............................原本想要既色係呢張相咁樣既色..但係.....

希望放左我d傢俬之後會好少少啦...

一堆雜物係個大廳樹...好dirty..............

雜物中比我發現竟然有一筒朱古力漿...... hehe...

紙黏土班 2 -3 堂

紙黏土班既第2同第3堂...

第2堂... 整左個成型既蛋糕啦...同一杯有cream既野....

呢2款都係蛋糕黎架.... miss話真既好好食添...

睇下呢個蛋糕仔...上面有藍梅, 半塊士多啤梨同幾粒蘋果片架....

再有左起..係蛋糕一個, 蘋果一個,大麵包一個, 8分一既朱古力蛋糕, 同埋完整既朱古力蛋糕

到第三堂啦...

今堂整埋件巨大三文治同一小塊三文治就可以上碟哩....

開始可以放入去個盆度哩... 成哂形之後係咪唔同哂呢...

重差盒入面既野未乾....等多陣可以放入去...

登登登....我既第一件紙黏土作品完成哩.... 呢d叫做minature 食品.... 類似超迷理微型食品咁上下啦...係咪好想食呢...

一啖就食得哂架啦... 因為實物只有.....咁細架咋....

接住又學第2樣野啦....

今次同vancy學既唔同哩...佢要搵食..所以學左車仔檔...賣下魚蛋, 煎讓三寶, 重有格仔餅呀...雞蛋仔咁..好大工程呀...

至於我呢..都係做d比較易做既野啦...

睇下今堂既制成品先... 有一對啤啤..有一隻係miss做..一隻係我做...估唔估到邊隻打邊隻...hehe...

重會有一個蛋糕啦...

呢度係香蕉2條...同埋嘟嘟嘟2條(大家估下係咩).... 提示係--今次會擺我自己上枱呀...密切留意啦