genie -- grooming

genie 既毛毛終於都長返哂啦...係時候要比我較下飛先得

你睇下隻金毛獅皇....

因為時間關係..我要趕住出街...所以有少少求其...

身剪短左少少... 主要個頭要剪下...耳仔無剪...

剪完唔係太滿意...下次再搞搞佢啦

隔左一日後再影下煎煎...其實都唔係太差...

不過硬係覺得呢個裝好似唔係太襯佢

呢個小煎... 好鬼衰...影佢相佢成日都左行右行..

之但係佢又實望到鏡頭架喎...

佢硬係要抬高個頭...唔係好明...

加插一張mellow... 佢自從一入左冬天...

佢就變左一個睡寶寶..

日訓夜訓... 勁訓..... 有無咁好訓呀...

2008 平安夜

平安夜

我一家人同埋vancy, joanne 同joanne 家姐一齊去左bb 蕉

皆因我地諗住攝影師sumsum會帶相機...

點知估計錯誤...

搞到淨係得我自己影個d傻瓜相添....

傻豬咩咩

 

我和咩咩...

我和煎煎

再黎我和煎煎 (佢個樣好唔願意咁)

婆婆和煎煎

難得佢2個可以合照....

我們的聖誕禮物

話咁快又聖誕節啦... 我同佢都會交換禮物... 因為怕25號要攞住份禮物行街睇燈飾..所以今年提早交換...

佢送比我既禮物... hehe... 我鐘意左好耐架啦... 不過自己唔捨得買

有次行街入去睇左都無買...

估唔到佢咁有記性...

由tsumori 出呢隻錶既第一代開始就鐘意架啦...不過呢一代真係最靚喎...

我最鐘意佢個圈...轉換出日與夜...哈哈..

至於佢份禮物我真係諗到頭都爆.... 最終都係送左恤衫....

起初諗住聖誕節...唔送咁貴重... 但係收到佢送個份之後..又有少少後悔添..

雖然唔應該咁比較...不過彷彿我無佢對我咁上心添...

2 歲咩咩

mellow 今日正正2 歲啦...

時間過得好快呢...

想起當日隻小咩佬..

[ 來到張家第一張相.. 當時只有一個月 ]

[ 2個多月...]

[ 第一次同狗狗玩...佢咪臭啤囉 -- 四個月 ]

[ 第一次參加狗狗生日party -- 五個多月 ]

[ 比我剷哂d毛毛 -- 七個月 ]

[ 開始長返d毛毛 -- 八個月 ]

[ 第一次去游水水-- 九個月.. (我對豬髀有d 嚇人 )]

[ 變返靚仔 -- 十個月 ]

[ 一歲生日 ]

[ 開始上床床訓覺 ]

[ 第2個新年]

[ 第一次搬屋 ]

[ 第一次見妹妹入侵 ]

[ 2歲生日會 ]

佬佬 -- 你要快快樂樂...健健康康... 開開心心... 食得訓得... 玩得跳得... 永遠係媽媽既至愛...

2 歲豬 and 1 歲豬生日

mellow 豬豬 2歲仔啦... 今年生日同鄰居小qoo一齊搞... 真係拍劇都無咁橋....竟然佢2個係同月同日出世架... 所以我地2個媽咪就一齊搞生日會

mellow 2 歲...小qoo 1 歲

我個寶貝佬佬豬....

呢個就係小qoo啦..足足細佬佬一年...

比小qoo 騎住重仲仲脷仔...佬佬真係善良的狗...

佬佬太大隻...搞到小qoo要坐埋一邊添...

同我地慶祝既重有小muji.....

重有coffee...

重有慒朱朱 (佢都係我鄰居喎)

重有當晚唯一一隻唔同色既poodle 妹妹 (佢又係我鄰居喎)

我地大人估住bbq...小朋友要等到最後先切蛋糕...你睇一切蛋糕..

小咩個樣仔幾得意...企到成個人仔咁...

至於因為做完desex..genie 要係屋企休息..

無得同佬佬哥哥一齊慶祝啦...

你地睇下個可憐煎煎....無哂心樣既太空狗樣

genie desex ---

Desex 前夕...

1. 佢地不嬲都係睇dr. tint架... 但係dr. tint 竟然話唔再做desex...

我聽到真係晴天霹靂呀....

咁點算好..唯有搵第二個啦.... 本黎就book左dr. ivan leung...

但後尾聽有少少bad comments 喎... 咁就再轉左dr brad ....

希望dr. brad 都OK啦...

2. 我都知道呢個小煎一定好驚帶住個頭罩架啦....

所以我早一個星期就去買...諗住比佢實習下啦....

但係...佢帶左個頭罩驚到屎呀...

因為一郁一撞到野呢...佢就驚到呢埋啦..

咁點算好呢... 跟住知道有D新款蚊香頭罩...

咁我又搵晚溜夜去買... 希望佢唔驚啦...

到desex前一晚..我就同佢沖乾淨涼涼...

重試帶個蚊香啦...

富貴狗真係無改錯架.... 佢帶左個蚊香都唔驚...

肯玩..肯食... 真係比佢激死.... 平野唔得...硬係要貴先啱用架...

---------------------------------------------------------------------------------

3. 到desex當日... 九點半要到診所....

咁我同媽媽一早要起身...但係媽咪話要搭村巴..

所以...晨咁早出到旺角.(只係八點三)... 咁有乜好做呢..

咁就走左去稻香嘆荼.... 嘆到夠鐘就去診所...

去到等到十點先見到dr. brad.... 感覺佢都唔差既...不過都係鐘意dr. tint多D

genie除左做絕育之外...重要剝BB牙仔呀...

放低佢時就十點半到..但係要五點先接得呀..

咁多時間就去左我婆婆屋企度等啦...

婆婆屋企有隻貓貓..叫叮噹...我就淨係對呢隻貓有好感..其他貓貓...我有D驚架

唔好以為佢咁普通咁呀...查實佢身價都幾高架...HAHA...

重高過mellow 同 genie 架...

因為怕婆婆悶...係舅父特登買叮噹返黎陪婆婆...

你睇佢個側面幾肥...個肚就黎掂到個地下啦...

---------------------------------------------------------------------------------------

4. 等等下終於等到夠鐘啦..可以去接genie 啦...

一去到見到佢真係心痛呀...

dr. brad重要放佢落地..話比我睇下佢係醒喎..但係見佢行唔穏...

跟住又要丫開佢個口比我睇D bb 牙喎..

重要再話幫佢洗耳仔...哎呀...我只係想快D帶佢快屋企咋...

另外dr. brad話genie對麻醉藥好敏感呀... 有少少呼吸微弱呀...

我又唔係好明... 但佢地講到都要小心D囉...

好擔心添...

-------------------------------------------------------------------------------

5. 返到屋企.... 小genie 就行左個圈..屙左尿尿... 之後就開始訓啦...

dr brad 話做完麻醉後體溫會下降...叫我比d厚D既衫同被被佢呀...

之後八點比D野佢食...佢唔肯食呀...

到到十點...再比佢食..佢就只肯食零食...

再到十二點...再比佢食..佢肯食啦... 不過比左好少..因為vet話比少少佢食先

唔好一次過食咁多喎..

---------------------------------------------------------------------------------------

6. 到今朝... 媽媽話佢有食野...尿尿同便便啦...

我見佢好清醒啦...重會同mellow玩玩..

真係好啦...

尋晚佢既體溫咁低...就係靠呢件衫衫啦...

thank you vancy ...你真係比我比得著時呀...