呢次寒風侵港搞到我都病左...
重要睇2次e生先好返少少
雖然有報導指寵物唔洗著衫..佢地會有自我保暖既能力
但係我發現小煎好似無呢個能力..
著左衫..佢個身都可以係凍冰冰架..
唔夠暖的話佢重會周圍郁..唔願訓..
之但係著夠衫...比埋被被佢呢..佢就會安心訓覺喎..
咁真係唔知呢個報導準唔準確啦
為怕凍親genie ..我都再買左d保暖物品比佢..
有頂床床..行左好耐..搵左好多間先搵到咁細張有頂床仔...
呢張床係真係好細張.. 同一張膠chair差唔多大..
之但係... 大家睇下相中個隻狗仔...
咁都入到佢..原來poodle係識縮骨功架
咩咩豬... 你快d出返黎啦....
另外重買左件好厚既衫仔... 好抵架...20蚊咋...(係黑白色個件)
質地同料都唔差架..入面係fur黎架...我諗係因為斷碼先咁平架咋
我重試左第一次响日本網度訂野...估唔到佢地肯ship oversea
第一次黎講好成功...好快就收到啦...個貨物重好靚添..
先睇個packing..雖然因為個packing而貴左郵費..
不過日本人係咁講求包裝...無辦法
(因為好多人問係邊度訂... 其實香港有得賣架.. 重平d添呀...
大家可以係香港買到.....)
試用.... 小煎好鐘意呢個袋袋呢..因為好暖...
入面係毛毛黎架...
個袋可以雙面用... 亦可以唔當做狗袋咁我自己用架..
very good...我自己都好鐘意..
買左部傻瓜相機...
佢個賣點係有美肌功能架...
試機...
美肌genie...genie 成日都望中鏡頭架..要影佢話咁易
坐低比你影又點話丫
單下眼仔先...
叫埋佬佬哥哥先...
佬佬係無咁合作...要影佢一定要出必殺技..."骨骨"
美肌佬佬... 有對水汪汪眼晴...
影狗仔可能睇唔到效果....即刻搵2個臨記先...
睇下mikemike都變左肥白臉..
之前個晚無乜訓既我都無黑眼圈呢...
除左美肌功能之外呢...佢重有個wide angle..自拍的話..唔會下下得個頭啦...
送多張美肌cheese cake... 12月31號晚我無去倒數...
乖乖係屋企等朋友黎教我整cheese cake....
呢部機岩哂個d自戀自拍既女仔.... 想影下d呃人相既女士就唔好錯過啦
我同mikemike去左食buffet同影燈飾..
影左超多相... 不過多數都係我既獨照..
未夠鐘..影住尖東先...
buffet中...
mikemike好肥...肥美過buffet d 三文魚刺身...
大家睇下咪叫死魚眼 (下低個張我個對)
食完行去海港城..但係太多人影左2,3張就走...
有ｄ自拍照.... 幾sweet...
哈哈...唔夠皮的話送多2張..包你地嘔...哈哈....
