先唔好講呢個不速之客係咩先...
真係唔該各位男朋友...唔好再買一隻有生命既野為送禮佳品...
唔該各位情侶真係承諾就算分手都好...是但一方會照顧呢個生命一生一世...
唔好將佢地當波咁送比人... 或者賣比人
事原係...
早2個月前... 朋友問我...會唔會收留多一隻poodle... 諗左幾日之後... 最終都係心軟想先帶佢返屋企...再幫佢搵個好主人..但之後人地話搵到主人...咁我就算了...
前日.. 朋友再問我... 上次的poodle...你會唔會再諗...原來狗主無比到其他人..只係放低左比佢爸爸照顧... 而今次佢爸爸話要返大陸長住而唔再照顧狗仔..所以就要再搵人要
我睇左狗仔既相之後... 就諗住幫佢搵主人..而尋日放工後就去左睇狗仔...
相中同真實既佢都好可愛... 見到佢...我又心軟地收留佢...佢差不多2歲..男仔..已絕育
當晚既佢毛打哂結... 有2大撻皮膚鮮... poo poo時屙血及便便帶血...
因為佢有皮膚問題..所以我都帶左佢出去比人剪毛沖涼... 怕會影响mellow同genie...另外星期二會帶佢睇vet...做個bodycheck
而至於相處方面...mellow對佢好有興趣... 而佢又對genie好有興趣...不過mellow唔鐘意佢蝦genie..有時都會鬧下佢..
未剪毛前...佢真係好可愛架... 有d人不停地追求咩teacup..但係呢隻咪又係teacup...唔要就係唔要...理得佢細唔細過隻茶杯丫...
未剪毛毛前..成個毛球咁..好可愛..
因為佢D毛打結打得太勁... 我屋企個電剷都剷唔到呀...所以要帶佢出去比人剪毛毛
剪完毛毛後... 佢重細粒左...
佢重好乖添...
佢都眼仔碌碌架...
不過... 因為打結關係..唔可以留返靚仔樣.. 剪短左好多...慢慢再留返長...媽媽再幫你剪靚D,,,
先試下佢同mellow and genie 甲唔甲得黎先..希望佢地可以融洽相處啦..
未介紹佢個名添... 佢叫做 呆仔 .... 狗如其名...不過好多人都話唔好聽...諗下改唔改名先
今日公司收到一個包裹 ... 真係好意外... 收到完全唔知咩事
見到個盒..我先記得係一個月前..我向呢間公司訂左個狗袋...
先解說下個狗袋先....
佢送左1包糧板同1包小食比我
實物... 比我相像中... 無咁靚...
個頂有網...
側面都有網...
可以側咩...或者加條長帶做斜咩...
事原係日本樂天網頁開始提供國際配送服務...
所以我就心思思走去自行訂購呢個袋 (sayo dog carrier bag)....
但係... 响樂天click左place order..等左成個星期... 都重未有reply...
咁我就send個email問個間shop啦... 隔2日佢有覆我啦...
話佢地唔收credit card payment..只接受銀行滙款... 重要所有費用我比哂...
本身呢個袋都幾貴... 運費又貴... 重要比埋滙款手續費就好金啦..
咁我又覆佢... 問佢有無其他付款方法..
send左個email之後... 就係等左成個月都無回音..
點知係2/6/2009 日既朝早溜溜... 我收到個英文人電話...
佢.. 講左一輪我先知...原來係sayo打黎...
話原來佢個女 (sayo 負責人) 唔識英文..唔知我個email寫乜... 加上事務繁忙..無覆我
咁好啦..我就同佢講..因為郵費貴, 滙款手續費貴..就話cancel個order...
咁大家講完哂..okok之後就收左線... 咁我suppose佢都明我講乜..
點知...隔左一日... 3/6/2009日... 我收到email... sayo個邊通知我發出左貨品... 重比埋個ems no我...for reference..
4/6/2009日..我再收到樂天email 既confirm order....咁我知道...sayo真係送出左貨品...
而件貨將會由樂天再ship黎hk比我...
係5/6/2009日... 我就收到呢個袋啦... 雖然係怪怪地...不過始終都係自己落order..
無理由怪人地既... 奇就奇在樂天個度原來用左我credit card找數..但係無通知過我...而sayo今日再帶左個電話比我..話我知佢地送出左貨品...不過點都好... 我真係好appreciate 日本人既做野態度... 因為咁少事..唔想得失客人..肯接受credit card payment同打2次長途比我做confirm...真係好好...
