證婚律師

距離結婚還有唔夠11個月....

但我重未搵證婚律師..... ( 係咪真係太遲呢?)

呢part 我係完全無頭緒.......

尤細到大都想去註冊署..... 但一早比人拒絕左 .....

我又唔多想book 個裝修到成個教堂咁既地方黎證婚 ... 皆因我唔係基督徒 又唔係 天主教徒 ...

咁..... 唯有得返律師到場證婚....

但我諗幾點註冊..................都諗到頭大 ....

所以...我全權比哂mikemike搞.....

應該2012年既1 月會有定案.....

回禮 = 即晚派相

終於的起心肝又寫下blog....

打從哥哥婚禮完結後 .... 我媽媽就成日比親戚朋友追相.....

但... 哥哥話 [現家邊會有人重會哂返d相比親戚架.] .. 之後.... 媽媽就開始悶悶不樂同ee 哦哦

所以一到我話結婚.... 佢就好想我整個即晚派相....

起初 ... mikemike勁反對... 因為佢覺得哂錢 .... 回禮禮物都無咁貴.... 但即場派相要三四千蚊....

即刻又有 "手心係肉...手背又係肉" 既感覺....

男主腳話唔肯.... 我都無得出聲.....

好啦... 到mikemike有次去完人地飲宴後.... 有即晚派相... 佢就成日攞住人地張相黎講 ......

跟住就同我講..原來去飲有張相返黎會好開心......

咁我又食住個勢叫佢join 即晚派相....

終於........................................................ 就係當日攝影加埋即晚派相啦 !!!

後話 : 近來聽左唔少 my memory 既 bad comments.... 真係勁擔心... 話哂我真係一條龍咁join 左佢地... 
  希望佢地唔好令我太失望....

法國婚紗 -- 有相睇住先 (未執)

送上五張尤法國婚紗send 比我既未執相頂住先......

呢一張.... 唔係效果相黎架.... 個晚影到最後... 真係落雨.... 好難得既自然景黎架!

 

法國婚紗攝影 --- 揀相日

期待影相已久.... 期待睇相更久...

終於到左可以揀相既1日啦....

帶左我既天使朋友去一齊揀相....

一開始原來係攝影師揀既相入面.... 再比我地揀... total有 211張

先比我地睇slide先....

因為未執相既關係....

我個眼袋都幾嚇人....

睇完第1round ... 就可以開始捨棄唔鐘意既...

第2round ..... 己經淨低122張...

再睇多次 .... 好清醒加奄尖既我 ....

過埋第3 round ... 得返 75張...

真係計都無咁準....  ( 因為package包 45張... 而我一心都只會想加 30張..因為買30張以上係最平..$110/張)

揀完相後...

sales開始做野..... 先揀油畫.... package 包的 20 x 30 ... 原來好細... 當然我無upgrade ...

揀好油畫後 佢會sell 油畫架! ... 當然我無轉...

跟住係揀大中細相.... 同埋相架!

最後到簽名布 ... package 包個張sales話只係for 8-10圍... 當然我又無upgrade... 因為另一輯都有簽名布...

跟住..... sales 再黎sell upgrade 相薄....

package 一本大+ 一本細相薄各自放20張相 ... 現家我有75張相...

所以sales實sell upgrade相薄放哂d相...

<< 本身相薄不包coating, 不排版.... 淨做coating... 大相薄加1500 .. 細相薄加350... 排埋版..大相簿加3200>>> 呢個價只係for 原先個各自20張相的相薄

如果我要放哂d相再coating再排版... 連埋加相錢 .... 唔該放低多萬一蚊.... 當然無可能

最終... 一輪牙力戰後....

我以呢個價錢埋單走人...

$6000 >>> upgrade 大相薄..由放20 變 放 40張相..包coating同排版...

upgrade 細相薄由放20變放 33 ..但不包coating...

再加埋原先加相的 30張相錢 ...

各位join左 既朋友... 真係要練定牙力!..... 

最後... 比四張偷拍照比大家欣賞先...

花車公仔及介指枕

終於找到了我們的poodle 花車公仔....

不過狗女條婚紗唔係太靚...

要自行搞搞佢先...

poodle結婚公仔出左好耐....

但竟然係今年佢推出埋介指枕....

真係好為我同mikemike而設咁...

真係勁開心.... hehe...唔買唔得啦....

其實係自把自為咁買左...

好在mikemike無話我啫...

我們的 wedding logo - final

終於到final 了.....


期待已久 ....

表姐終終起貨....

真係開心....

 用黎整咩先好呢?

配咩色好呢...?

<<<< 再次一提.... 我們的wedding logo 係由表姐親手所畫.... 請勿轉載... 多謝合作>>>>

checklist -- 21/11/2011

又係時候update checklist ...

大日子 : 18-11-2012

婚宴地點 : 旺角新世紀翠園酒樓

過大禮日子 : 2012年9月28日 (上午11時至下午1時)

過大禮用品 : 未買 ( 但雙方講左 .... 乜都唔洗.... 錢代替)

搬家妝日子 :2012年10月2日 (下午1時至3時)

安床日子: 2012月11月17日(上午11時至下午1時)

上頭吉時: 子時即2012年11月17日晚上11時至1時

上頭用品: 未買

睡衣: 未買

男家出門地點: 男家屋企

女家出門地點: 女家屋企

(入門吉時上午11時至下午1時)

敬茶茶具、碗筷 : 已有

咕o臣 : 未買

註冊地點 : 未定

註冊時間 : 未定

証婚律師 : 未定

羽毛筆+座 : 未買

戒指座 : 未買

証書套 : 未買

婚禮攝錄 : My memory - 2P+1V

成長片段 : MY memory

即日剪片 : MY memory

婚紗相 : 1. 法國婚紗 (2011年11月20日已影)

2. my memory- 香港輯 (未定日子影)

3. my memory - 大陸輯 (未定日子影)

婚紗相禮服: 法國婚紗, my memory --- 男裝恤衫已買

婚紗相鞋 (女): 已買2對... 一對2寸..一對平底

婚紗相鞋 (男): 已買2對...一黑一白波鞋

婚紗相花球: 已買


BIG DAY

婚紗晚裝: Favour wedding

旗袍: 訂做 -- 已取

婚紗鞋 : 未買

晚裝鞋 : 未買

褂 : 冠南華-密地褂皇

褂鞋 : 未買

Girdle : 已買

Nude bra : 團購買左

頭紗手套 : 未買

新郎 :

新郎禮服 : Favour Wedding / E-wave / 訂做

新郎恤衫 : 未買

皮鞋 : 未買

父母 :

奶奶裙 : 未

外母裙 : 訂造1條已取,欠1件

老爺西裝 : 未

外父西裝 : 未

兄弟姊妹 :

伴娘裙 : 未買

伴郎衫 : 未買

姊妹裙 : 未買

兄弟衫 : 未買

新娘MUA : Alice (Alice in wonderland)

伴娘MUA : 未搵

家人MUA : Alice (Alice in wonderland)

姊妹MUA : 未搵

結婚戒指 : 己買 -- 周生生

嫁妝 (外母) --> 新娘: 金豬牌, 龍鳳鈪, 花花金介子, 囍字耳環

嫁妝 (外母) --> 新郎: 發字金介子

嫁妝 (奶奶) --> 新娘: 未知

嫁妝 (奶奶) --> 新郎: 暫知粗金鏈一條

主花車 : 朋友借

其他車 : 朋友借

結婚花球 (鮮花) : 未買

結婚花球 (絲花) : 未買

新郎襟花 : 未

姊妹手花 : 未

兄弟襟花 : 未

家人襟花 : 未

喜帖 : 未印

餅咭 : 美心200張

唐餅 : 奇華25張+2張for 龍鳳餅

Wedding Logo : 等待

利是封 : 未有

放是利福袋 : 未有

人情箱 : 未有

貼紙、囍字、對聯 : 未買

紅傘 : 未買

子孫筒 : 未睇

回門乳豬 : 酒樓提供

結婚公仔 : 未買

晚宴backdrop : 未搵

簽名布 : 法國婚紗 / my memory

簽名筆 : 未買

晚宴歌曲 : 未諗

晚宴司儀 : 己知--阿丸, 表姐julia

賓客名單 : 未整

座位表 : 未整

檯號牌 : 未整

餐牌 : 酒樓提供

啤牌 : 未買

席前小食 : 美心西餅

紅酒+VSOP : 朋友送 + 酒樓提供

伴郎 : mikemike細佬

兄弟 : Ekin, 阿超, 周仔,(其他未firm)

伴娘 : 表妹菁文

姊妹 : Vancy, Whisky, Brandy, 表姐Julia,表妹婉霖

當日rundown : 未整

分工表 : 未整

婚前檢查 : 未睇

試菜 : 未安排

蜜月旅行 : 諗緊

新居 : 未搞

完成左第一輯婚紗相

 完成我地人生當中既第1輯婚紗相啦 --- 法國婚紗

因為係影全日.... 所以一早就要起身...

約左 8 點 15分要到逹九龍塘....

而mikemike好準時... 未夠8點就到左.....

一去到埋位換衫.... 化妝....

先著婚紗影場景 ....

好快就換左第1件晚裝.... 都係影場景...

之後換返短婚紗出海影遊艇同埋北譚涌

我地加左$200 影左某個島上面既教堂....

影埋沙灘就天黑哩...

之後返去換最後一件晚裝再影其他場景 ...

最終結束時間係8點45分....

足足一個對.......

有好多人話影完婚紗相... 2個人會更恩愛.... 我就話未必啦....

因為mikemike睇唔慣又錫唔慣咁濃妝既我....

真係覺得佢有少少唔想錫落黎.....

因為現場睇個妝係的確好嚇人.... 哈哈 ...

最後送一張單人照....

 

 

倒數一年禮物

多謝mikemike送我的倒數一週年禮物.... 好鐘意....

其實我知你真係好就我 .... 覺得自己好幸福有一個對自己咁好既未來老公....

 

踏入一年倒數

期待一年後變為何師奶

uv 甲

好耐之前都有整開甲架...

但怕麻煩成日要磨..... 又厚....好唔方便... 就放棄左

近來勁多團購 gel 甲 / uv 甲..

所以我都買黎試下...

第1次.... 試左d簡單款.... 淨色 + 印仔 + 閃石



第二次...諗住凍天...整左深啡色 + 印仔...



第3次我係join左 package哩... 因為整得唔錯...

又近我...

今次整返我自己鐘意既款 ... 真係超滿意....

白色 / 粉紅色 / 藍色做底... 加法式 加畫花....

法國婚紗試衫 - 晚裝

晚裝真係難揀好多....

1黎aline好少... 2黎合我長度的又少... 3黎我喜歡既色系就更少

1.淺黃色 ..其實ok架..但mikemike唔鐘意個ribbon ...



2. 佢實物隻色係好藍..... 我自知著唔到藍色... 連影都費時

3. 呢件唔係唔好睇... 我都carry到.. 但以我所知呢件實在太太太多人揀...我必定放棄

 

4. 呢件我上睇個時唔知點解好情有獨鐘.... 實色係淺紫與淺藍之間....
可能我知我著呢d形(上半身) 係好睇加唔會太瘦....
加上... 姐姐話... 呢件衫好少人著過... 加上佢只可以改窄不能改闊... 即係...唔係人人著到囉....



5. 呢件好靚架... 但mikemike唔記得影.... 但我著上身..好似上半身好瘦但下半身好肥... 所以無揀




6. 呢件實物係桃紅色黎架.... 其實幾grand ... 又舒服可能因為夠輕身....  而呢件又係只能改窄不能改闊..
咪又係我杯茶囉.... 呵呵...


所以endup我係揀左 4 同 6

但今次試衫行... 我都放低左二千個大洋...

1.係男禮要upgrade ... mikemike 話基本款揀唔落手.... $1000

2. 我個package 係3wg 1 eg ... 但我改左1件wg 做eg .... $300

3.花球.... 個姐姐話要鮮花... 但我唔明佢點解要鮮花... 我話我有絲花... 佢就話最好唔好... 咁mikemike話費時煩所以又訂埋

不過佢做promotion ... 有一個係送既... 同埋做8折... $638

好期待11月20日影相...

 

法國婚紗試衫 - 婚紗

 

等左好耐.... 終於等到今日啦....

雖然唔算係第1次著婚紗.... 不過就係mikemike第1次見我著婚紗...

心情都有少少緊張....

好好彩... 佢安排左我地係房入面...

其他位置係無咁有利... 一黎想偷影... 二黎其他位置太開揚....

少不免會比人評頭品足

我地坐低... 等佢攞返我上網揀左既衫比我試...

一開始先試婚紗先

1. 短婚紗... 我一心想揀一件.... 呢件其實ok .. 不過個長度唔係咁好....

2. (偷影比較樣衰)  ..... 其實呢件唔錯 .... mikemike好鐘意

3. 另一件短婚紗... 好鬼貼身... 比我想像中短... 但影得對腳會幼d

4.(偷影眯左眼) ... 呢件不錯... 但mikemike話似毛生生

5.呢件影相效果好過實物... 實物其實個胸位唔知想點.... 個舊ribbon又唔知想點

6.呢件本身實物好ok ... 唔知點解影相咁怪.... 拉長哂我條腰.....

7. 呢件影相同實物都ok ... 尤其佢係歐洲... 我唔洗加錢都可以揀既一條line .... 不錯不錯

8. 重試以下呢3件... 但太肉酸... 唔影

model著得好靚... 但實物件婚紗好殘

呢件又係歐洲款...靚到不得了... 耐何我carry唔到....

 

endup ... 我揀左3同埋7 ....

到下一篇係晚裝

Pre-wedding 前準備

11月20日就會影我人身中的第1輯婚紗相啦 ....

影前做左少少準備.....

要買mikemike 恤衫....

行左金都幾圈... 先決定到....




當然有我既pre wedding 鞋啦....

因為mikemike只係高我少少... 所以唔可以買太高 ....

因為我想著短婚紗麻... 點都係有少少踭先好睇既...

所以最終買左2對 .... 1對2寸... 1對平底....

我們的wedding logo - II

近乎final 的 wedding logo ...

只係再揀love bird 既擺位... 同加色就ok 了 ....

開心

我的第一個絲花球

我的第一個絲花球....

第一眼見到就愛上了 .... 因為它的vintage style 跟我的vintage gown 很配.....

它是乾花跟防真花的mix and match ... 好特別 ...

但實物比我相像中細 ....



因為會襯白色的gown ...

所以搵來小呆子做model .....

這個小model 極度不願意

試用新品 - sassou

朋友仔介紹我識呢牌子....

我一同媽咪講...

佢第2日即刻走去買左送比我... (其實咁啱我生日啦)....

先係洗面皂...




一收到個時真係嘩一聲.... [乜...真係咁多金萡架..... 好奢侈呀]

除左皂外.... 我媽咪買埋呢隻深海泥mask ...

比起皂更勁.... 洗完真係好白滑....

真係無介紹錯!

心思思想轉哂自己既護膚品做sassou ...

媽媽的晚裝 - I

今次到媽咪既晚裝....

媽咪一向鐘意紫色....

今次我幫佢諗左一個款...

好簡單既紫色配奶白色既lace 花邊....

師父造出黎真係唔錯....

抵我一直咁支持佢.....



因為面既lace 花要襯...

所以今次上去度擺位...

師父真係好好心機....

媽媽著起後生好多....

比起上次哥哥結婚佢揀既旗袍好有分別...

著起呢件同我拍埋真係似我家姐多d....

不過媽媽怕青春得滯....

大家覺得呢?

Free wedding logo from Wishes

第1個wedding logo 完成品...

其實唔錯... 不過表姐個個比較特別...

暫時..都未諗到用呢個黎做乜野好....

咩咩豬眼仔又要做手術

呢排為左咩豬都無心機...

因為佢做完白內障後, 有一隻眼仔都係復原得唔好...

所以尋日見醫生時... 醫生建議做換假眼手術...

手術好順利.... 但係我見到咩豬個一刻真係好心痛...

上次白內障手術都無事.... 今之見佢....我真係好心痛...

覺得都係媽媽照顧得唔好...令到佢要無左一隻眼仔....

媽媽真係好自責...

希望做完呢次手術後... 咩豬唔洗再受痛苦...

做返開開心心既咩豬.... 陪住媽媽...

北上做嫁衣 -- v

今次算係final 啦呢件旗袍....

樣太殘...不宜出鏡

今次改埋領位... 改短左...

再加左d 花花....

背面既鈕...finished... 不過到時就扣死伴娘啦...



好難得影到我咁玲瓏浮"突"....

終於可以攞返屋企真係好啦...

另外... 媽媽都做左一件晚裝...

希望都滿意啦

Genie 女的陪嫁衣裳

我的婚事中

除左搵自已既靚衫外...

重要顧及埋3小寶既衫衫

無意中在網上看到這件和服..覺得跟我的密地褂皇好襯..即2話不說地訂了...






本身和服都厚身..好在我係冬天結婚... 3小寶必定要著衫...

呢件靚靚和服係買比小genie 女... 好fit..

裙尾闊左少少... 婆婆改一改就ok啦... 到時再幫妹妹夾個靚髮夾..

另外個2寶重未搵到合適既衫衫... 要再努力

My Memory -- pre wedding package

除左法國婚紗外..
重join左另一間公司影pre wedding -- my memory

香港1天+中國1天 (hk$17,888)

香港拍攝1天 ( 影樓實景及戶外夜景, 11小時)
1位攝影師+1位化妝師+1 位助手
包外景車 (8小時連司機)
包婚紗/晚裝 2套
禮服 1 套
拍攝約100款相底

中國拍攝1天  (影樓實景及戶外夜景,11小時)
1位攝影師+1位化妝師+1位助手
包七人車
包婚紗/晚裝2套
禮服1套
拍攝約100款相底

回贈2天所有數碼相底,共包精修61張 (不包特效)
20吋 x 30吋油畫連架1張
12吋 x 18吋相簿2本 (20頁連uv, 可放30張相,簡單設計, 不設改稿,由designer決定版面)

送22吋 x 44吋簽名布1張

法國婚紗攝影package

以前一早join左法國婚紗攝影... 但未得閒打到底我個比錢package包d咩..

原價$8988 .. 會展expo 減1千... 有coupon 減1千... 但其實我係無coupon..不過我r佢減

我地揀左 遊艇 + 沙灘 + 園內景

package 包:

6" x 6" 相簿 (20 張相)
10" x 14" 相簿 (20張相)
<<< 因只包20張相...所以大小相簿中的相要相同>>>
5" x 7" 相1張
8" x 10" 相2張
10" x 12" 相1張
20" x 24" 油畫連架1幅

新郎造型,西裝1套
新娘造型,婚紗, 晚裝3套

會展expo join 送以下:

5' x 7" 相連架1張
8" x 10" 相連架1張
10" x 12" 相連架1 張
<<<< 以上3樣有少少亂..唔記得係另外送..定只係送原本package包的相..送3個架>>>>
送多25張相..
<<<<所以以上的相簿可以用不同相>>>>

20" x 30" 提名冊1張
送多一個攝影地點- 北潭涌
新郎新娘各送多1套西裝/婚紗 及造型
包假眼睫毛及粉撲..
包車接送...

還有條款...
某d系列唔可以揀
相簿不包coating...
不包girdle, 恤衫及花球

北上做嫁衣 -- IV

今次去到第四回... 繼上次唔係大滿意加合心意後...
今次再fitting...

呢次滿意好多..

成件衫好似重新做過一樣..d花花幫我移左位...

望落無咁清...

不過重未攞得住...因為有少少野要改..

(食飽左有少少肚臍仔)...


因為怕到時個肚臍位會好明顯...

所以會叫師父係肚位加多少少裝飾...

後面d鈕未整... 加埋d鈕應該會更靚