MUA -----II

呢篇blog其實只係想提醒自已一直忽略既野！

 

就係忘記了，我屋有三個寶貝！

 

所以搵MUA既時候，要先話比人知，因為可能對係會驚！

 

事原係今日有朋友搵左個MUA比我，我見化得幾自然咪即刻 Send mail問價，點知對方有上門試妝，甘我覺得重好！

 

問好哂，我就同佢講地點同有三小狗！

 

甘＞＞＞佢就話佢驚！ 雖然試妝可以轉地點，但如果真係confirm佢 甘當日點算，佢一路驚一路化，都好影響喎！

 

 唉！本身搵mua都夠頭痛，現家重發現多左個制爪！

再次到訪我的婚宴場地

今次到訪(旺角翠園)主要係因為要加圍數...

原來20圍既地方係無得走盞...

所以今次book多一個廳...

咁max可以擺到28圍....

咁就闊落好多哩....

因為上次無睇過新娘房...

今次要入去睇返....

其實都ok..夠大... 有獨立廁所....

都幾乾淨添...

呢度真係最好最滿意就係乾淨....

成個場都有香氣噴噴氣... 好香....

今次我重幫襯埋個廁所

一樣咁乾淨....

我重係度自拍添.... 其實我覺得我自己淡淡地妝就夠... 後生好多

不過唔知點解影相咁大細眼既.....

試妝 ---- 花嫁紫閣 ( shirely and regene

5月29日 -- 試妝 ... free 的

今次分開2個人...1個set頭1個化妝...會試2妝2頭...

因為有上一次既經驗... 都知道自己想要咩... 講左一論.... 但我自己講漏左...個妝個底要淡d

 

起初化完...佢話影比我睇個分別... (化左好耐)

第1個係褂頭... d花好怪...不過佢試帶就算啦...

 

 

褂頭...ok 啦.... 又唔係話好好...

另一個妝..佢有問我會揀咩色既晚裝... 咁我求其答佢.... 湖水綠

呢個頭我幾滿意...但d 蝴蝶...too much... 1個就夠啦...

 

今次我只係滿意set頭... 個妝真係唔得...厚到無朋友...

我自己返去要卸左四次先乾淨... 實在太厚...連唔識野既mikemike都話太厚...

最主要係...佢地可能太新手....好慢..... 咁樣都搞左2個幾鐘....

唯有out....

重有一個約左六月中試係free的... 試埋呢個...

我會搵一直心議的再試...有哂咁多次經驗應該ok啦掛....

希望七月前可以firm實我既mua...

我們的wedding logo - I

呢個wedding logo 好珍貴架...

因為係我叫我表姐設計... 佢話用黎做人情架啦...

之前佢幫佢朋友設計個個中式既都幾靚...所以我一早叫定佢..第時要幫我設計

起初比左少少idea佢..話我想要成個圓形咁上下既logo...

咁佢就造左幾個frame比我...又比左一堆字我揀...

endup... 有幾個初穚睇啦...

<因為全部來自我表姐手筆...希望各位blogger唔好轉載或偷相>

1. 底色會係實色...透字...

2. 比較大路...

3. 係我好鐘意... 不過要等mikemike confirm...

 

因為酒樓送既帖真係靚到dup一聲...

所以個logo會用埋黎印帖架....

好開心

修身 美顏 -- I

打從有了婚期後..

我便開始...自動地...每餐都食少d.... 永遠keep住食唔飽....

可能都多人都話我咁瘦.... 重洗乜減.... 但係...係女仔都永遠嫌自己唔夠瘦...唔夠靚架啦

所以我呢個星期開始戎左我奶茶麵包早餐改食 special K...

食足14日後..睇下有無咩效果先...

 

另外...我自問皮膚唔係話好好...雖然無暗倉...但D毛孔好大

而我見好多 B2B / 女士 都會用神仙水....

又咁啱朋友仔買有得平...我唯即刻order 1支...215ml..... 試下...

見個個都勁讚... 加上真係平左好多...先買咋...原價...真係唔係好捨得...

5月22日試妝 - mua yumi (私有化)

第1個試妝.... 竟然係紅雨下....

好在出去個時停左雨... 如果唔係要取消哩

mua -- yumi

試妝費$400 ... 試2個妝/頭

1.褂頭...  其實佢個底打得唔算厚...所以唔係太遮到眼黑圈..

 

後面...我覺得ok 啦...但未係好鐘意...

2. 晚妝...

佢有加深眼影..但好似唔係好覺...

個頭前面睇..普通到爆...

後面尚可...

側面..我好怕好似多左個腦既set頭法... 好怪...

結論係..要再試下其他...

但諗緊... 真係搵d hit既試...

定要搵d 自己心水之中....最心水個個試丫...定無咁心水個個試先呢..

好煩腦...

求婚介指 (私有化)

求婚介指...終於到手了...

可能好多人都係男仔自己去買...買完就求婚...

但我比較另類...係一齊去揀...到手後又放係我度....等人求婚...

不過現家D鑽石好貴..

我本身鐘意個隻太貴了... 真係好唔值既...

唔好要佢浪費咁多錢啦...

所以最終揀呢隻

因為未求...所以搵住個小model帶下先

MUA - I (私有化)

繼好多blogger都話mua 要快d搵定..

我呢個星期都搵左幾個...

約左d 試妝

先講心水

1.http://hk.myblog.yahoo.com/makeup-atyan

呢個係我一路都鐘意架... 佢價錢都ok架...

只但係有一個問題..就係佢只化新娘..同加一個人...咁一個人我緊係比媽咪啦...

但....奶奶點算呢...佢可能會mind...點解同我媽媽唔同mua...

2.http://hk.myblog.yahoo.com/makeup-catis

個mua叫yan... 我覺得佢化得ok...直覺幾鐘意佢..

3.http://hk.myblog.yahoo.com/wonderlandmakeup

呢個係因為佢養開poodle... 有少少情意結...但估唔到佢價唔平...皆因睇住佢入行都唔係好耐日子

4.http://hk.myblog.yahoo.com/yumimua

呢個係blogger介紹...幾ok... 因為佢價錢ok之餘...一條龍化埋姊妹....一team人搞掂哂

(呢個約個今個星期日[2011年5月22日]試妝... )

以下呢2個係因為free trial...所以book左先..kekke...

5.http://hk.myblog.yahoo.com/cheungshirely

(約左5月29日星期日試妝)

6.http://hk.myblog.yahoo.com/angiemt2002

(約左6月15日星期三試妝)

尋衫,尋對戒

今日睇左2樣野...

1.係衫....

2.係結婚對戒

衫 ---- 先講下我自己對WG EG既要求...

其實我係鐘意D簡單款...A-line...魚尾...但我鐘意多lace...唔鐘意長拖尾..

之前有行過金都.... 當然...唔係我杯茶...

所以今日行左tst既婚紗街... 尤街頭行到街尾...

只有1間吸引到我目光..就係叫SPRING WEDDING... 但我無入去睇..因為我知好貴..

所以唔入好過...一入怕忍唔住...

有一間好多Blogger都讚既Elegance.... 但佢放display個d衫吸引唔到我入去..

而我有入去攞資料既有希臘女神... 外租package唔平...但我一件都睇唔上眼...

重有一間叫Red Wedding...呢間超多人...有埋電腦比人揀衫...但奈何太多人..我好快走人

第三間我就離開左TST向佐敦進發...去左vanesse L. 佢個package price 好吸引...佢攞左3件婚紗比我睇...我都覺得OK...有少少合我心意...但因為無make appointment無得試... sales姐姐聲稱優惠做到月尾...所以我諗諗先...無Join...

後話 : 又係因為Mikemike 個種...先入為主既潛意式...佢又自動定左話要租呢間... 當然我見佢個package咁吸引..D衫唔算唔ok...再加上件褂咁貴...係WG EG度要搵返D中價D價錢好D既心情底下...暫時應承佢話租呢間...

2. 係睇結婚戒子...

睇左PN.... 齋睇ok...試上手...唔OK...

周生生個對Love diamond系列.... 其實ok...但我自己唔係太鐘意有一粒石仔既款

周大福... 完全..... 唔洗諗...

今日係因為咁啱經過有PN..所以先無那那去左睇結婚戒子...

其實我地各自都有心儀既brand....

Mikemike 鐘意 cartier 既love系列...唔知點解佢硬係鐘意呢款...

我自己...就鐘意VCA...皆因好朋友既介紹....之前上網上blog search 發現無人彈(除左個價錢)外...其他都係勁好既comments... 所以我就愛上左...

總結今日我地都好忍手...完全無衝動...哈哈...有進步

finding a MUA

繼book 左場地...

租左褂 (比較快左d)...

好多人話要搵MUA...

應該好多B2B 都係話..要自然...淡D...

我都一樣... 但自己最concern反而係set頭...

重有頭飾...

各位有無MUA 推介呢....

褂 -- (私有化)

先講返場地... 我同mikemike confirm左翠園..

見個日有人擺婚宴..d staff幾好服務... 加上開哂水晶燈後... 成個場幾靚..

而因為我地咁早book的關係... 可以用23 圍...去book佢 28 圍個個場...

雖然無咩送... 但都ok啦...價錢合理

/

/

/

/

另外... 今個weekend..除左book左場外...

重租左另一樣野...

就係褂..

原先我一直想租潮褂...

但未來奶奶....提議了 冠南華 租褂後...

我都自動打消左潮褂念頭...

去到冠南華...真係諗住運吉心態...

點知sales姐姐... 落下咀頭... mikemike又咁有意見下..

sales姐姐比左一件褂皇的頭褂比我試...

試完...我鐘意明白其他blogger所講.."叮" 一聲既感覺..

我一試真係鐘意到暈...

但聽完個價.............................就....嚇親

之後..sales姐姐話有另外同款的褂皇比我試..

先試返"叮"一聲既彩底褂皇.... 仍然係咁叮...完全唔想除

再試...銀底既褂皇... 無咁叮...但心諗如果同彩底差一千蚊我都會租銀底算...

而冠南華都有潮褂款出租.... 以唔洗錢既心態下再試埋...

一試..mikemike勁擰頭.... 本黎可以再試d五福...定其他款..但mikemike堅稱唔鐘意有紅色.

所以最後....就hold左件彩底....因為怕未來奶奶唔鐘意..所以比左1半訂先...

問準未來奶奶先再firm....

然而..mikemike都有試"阿福"褂... hahaha>..成個阿旺咁就真...

當晚.... 未來奶奶睇完..真係有少少微言...

但mikemike自己好鐘意..所以叫我照租呢件

場地 - III

 今日再去睇場地...

未睇之前都有打過電話去..有期先睇...

今日睇左4度...主打油尖旺

1. 係佐敦的欣宴

其實個場ok.... 但20圍係啱啱好..如果多1,2圍就會好迫

個假蛋糕有d怪...

現場睇水晶燈一般...但影相好靚....

2.跟住.. 去左旺角新世紀...

呢間係鴻星... 我覺得幾好..要at least 33 圍先包場...

3.再到隔離的翠園...

我好鐘意...

不過有2條柱....佢話如果到時set 枱..唔會遮住睇唔到台

d 嬸嬸既制服..好有lolita feel...haha..

基本上今日睇呢4個地方都within budget...

所以我地都confirm左....其中一間....

btw ... 可以提供下比各位blogger...

之前打去問過2012年10-12月的所有weekend都full哂...

 THE ONE的 煌府

THE ONE 的 迎

THE ONE 的 利寶閣

ISQUARE 的 利寶閣 (呢間min. charge 比THE ONE 貴)

TST 的翠享村

九龍灣的 煌府

 

擇日

繼之前提過 ... 擇日問題...

本身諗住我媽咪搵人擇... 之後同佢父母講完... 佢媽咪堅持要男家擇後...

再拖左個幾星期後.... 佢媽咪又比返我呢邊擇...

終於....終於都有日子返啦... 真係頸都長

媽咪係五月一日比師父既...

到今朝五月五日收到師父既email ...

佢共埋擇左12日比我地...

但係...只有一日係weekend...其餘係weekdays 又或者係聖誕節...

分別係...

2012年11月18日

2012年11月23日

2012年11月30日

2012年12月5日

2012年12月18日

2012年12月21日

2012年12月25日

另外個d...就係2013年既3 月同 5月...

但實在太後啦...所以就唔考慮

所以....我地決定左...2012年11月18日就係mikemike同我既big day 啦...

今日真係好開心....

btw... 我可以整我個倒數banner 哩...kekeke...