花車公仔....
一心都係諗住用poodle 做我地既花車公仔...
因為poodle對我地黎講有特別意義....
現家諗緊... 買邊一款好..
1. 得18cm高... 實物好細粒... 如果用佢要加花係底托高少少... 但本身對公仔都唔平..再加埋花又唔係咁抵....
2. 22cm高 ... 價錢平好多..不過要單一隻買...買2隻... 無禮服著..要另外買禮服...
但個樣無第1款咁靚...
3. 第3款...係台灣版... 有28cm高...好似太大...價錢最ok...
但佢係大頭狗款... 怕到時會向前傾...
4.如果唔用poodle公仔...mikemike就要用史迪仔... 因為佢好鐘意史迪仔..
但....................史迪仔個女朋友...好醜樣... no good
尋日講到... 要去周生生度買返個隻女裝介指
多謝咁多blog友提點...
先講返... 其實我去周生生不嬲都係搵sales 姐姐阿bee...但買對戎個日..阿bee放假
咁就尤另一位經理serve我 (但尋日先知..佢唔係經理)
咁計尋日落到去...我搵返阿bee... 起初佢話...無辦法...如果要換野...要蝕幾千蚊..
叫我帶2-3年先好換...
咁我緊係唔想啦..咁我咪用軟功... 就話啦
[[[[ 買個時佢又無講係對裝介指...
無那那買左唔係一對... 又嘥多左幾千蚊... 好無辜..
結婚已經洗左好多錢... 重要再嘥多幾千蚊...好可憐...]]]]
真係差在無眼淚架咋....
好在阿bee 好好人...就話..等我幫你再問問...
隔左成3個字...阿bee就搵返張單出黎...話可以全數換...不過只限換珠寶, 肉器
金就唔可以換...
咁都好丫...好過無左幾千蚊.... 最終...換返我要個隻介子同埋媽咪加左錢換左玫瑰金鑽石介子比自己囉...
咁而我地既wedding band...終於都湊成一對...
重刻埋名添啦...
不過我個隻太幼...唯有減好多字...
mikemike個隻 --- k [心型] m 18.11.12
我個隻 ---- m [心型] k 18.11.12
上回講到我地各自揀左一隻自己鐘意既介指去做我地既婚戎
但當我比朋友睇個時..個個都話似engagement ring... 個個都好話好怪...
搞到我都心思思..唔知點算好
點知尋日行開tst... 竟然比我見到..原來mikemike揀個隻款原來係有女裝..
即係佢揀個隻根本就係對裝介指...
咁我即刻飛卉去睇... 對返mikemike個隻...再問埋個sales...直頭confirm係一模一樣
跟住.... 我就問mikemike...點算...
因為佢好鐘意自己揀個隻款... 起初佢明明話2隻唔一樣好特別...
現家佢又答...咁如果襯返一set又真係好睇d既...
唉.........................................
相量左一個晚上...決定...都係買埋個隻既女裝.... 做返一set
至於本身個隻............無得退錢...如果退錢要蝕2-3千蚊...
所以唯有 "粗帶"....
本身己經out budget... 重要咁樣搞一搞... 再out多out...
不過好多了解我既朋友都知... 我一聽到人地話怪...就一定心思思想湊返成1對
....現家.... 比佢地講中哂....
帶上手...的確係似engagement ring...
唔開心左2日... 個個叫我...當係一個教訓...等自己唔好咁衝動....
用錢買既教訓... 真係好唔抵架...
上次去完expo Join左法國婚紗之後..
都唔記得可以上網揀定衫先...
見今日係公司有時間可以蛇黃...咁即係login 睇下衫先
max. 可以揀定20件... sales姐姐到時一口氣試哂你揀個20件先...
無合心水既先再試佢其他可能網上面無既款...
諗諗下...佢話試衫時間1至2個鐘.. 如果試哂20件先...睇怕我呆左...
所以都係精選d算... 費時辛苦自己... 辛苦honey...
婚紗...
係泡泡款..好cute...
係我鐘意d 小小拖尾...
我個package有得影遊艇..梗係揀件短既試下啦..無謂嘥左我對40長腳...waakkakaka
呢件係佢响精選款系列入面... 咁精選我就揀下啦
呢件係咩upgrade系列入面揀既... 唔怪得要upgrade啦... 靚咁多...(望落)
晚裝款... 有d難揀.... 因為唔要個鋼紗的話... 全部都係淺色...
紅色... 好淘寶款... 不過見佢唔係"令"身質地就可以諗諗
呢d係靚..但影相實唔出色
難得揀左一件係有綱紗的...希望到時可以唔著個綱紗.... (自圓其說ing)
我鐘意的黃色.... 不過黑ribbon..有少少礙眼
呢係阿sa著過... 佢著起又幾好睇...但我唔係cute style..唔知會唔會似大肚多d呢
又係影相唔出色既
... 自知著唔到呢d 深色系列.... 但影相出黎一定係呢d比較靚... 揀左先...
package 有4套衫...
我諗緊2婚紗2晚裝... 定3婚紗1晚裝算呢...
上回講到... 北上度身訂造了一件旗袍...
師父己經造起左啦...
不過我未有時間去試... 只係派左媽咪去睇睇及影下相返黎向我滙報
媽咪形容造得唔錯...手工好好...
我就覺得..好似...清左D
實物似蝦肉色/淺粉紅之間...
因為我本身要求個拖尾唔洗咁長... 少少就夠... 但師父話..因為面頭層紗布關係.
所以個拖尾重會比我預計既短... 咁咪真係太旗袍FEEL囉...
close up .... 師父真係手工好好將層紗布上面d立體花花一朵朵咁挑左出黎..幫我拼係唔同地方 ... 近胸位置係我最滿意
背面係大露背... 我原先叫師父將個背面係一塊過全透視架咁拉鏈位會係側面拉
但師父話...側面拉面的話係好難拉... 加上唔好睇...所以佢自己將佢改左做...
背面扣鈕.... 都ok既.... 不過...點解會自己改左...又唔單聲我知先改呢
遲d會上去試一試... 希望著上身會比就咁睇既好啦...
但overall我都幾滿意呢件旗袍
今次我自己真係好滿意...
不過mikemike 就覺得...咪又係差唔多...
但我阿嫂講得啱...
人地點睇唔緊要...最緊要係自已對mua有信心...
的確係啱既... 如果無信心...佢點化都無用...
加上...個時我阿嫂用個個mua...我都覺得一般...但佢自己就覺得最好..
所以..佢會覺得佢當晚係最靚一樣...
而我睇完alice化我..真係對佢好有信心..
然而見佢set頭... 真係會襯一襯先幫我set... 真係比較有心思...
講左咁耐...要睇相...
笑得唔係咁自然... 但真人會好好多...hahha... 自己都覺得自己靚左好多...
alice幫我 set 左個著婚紗同褂都襯到既頭比我睇...好滿意...
mua - alice
其實alice一直都係我心儀既mua..
由我未諗住結婚到真係結婚都好..佢都係我三甲人選之內...
果然一試真係無令我失望...
今次試妝只係試一妝一頭....
total 用左一個鐘頭九個字... 我覺得都合理...
其實除左個妝外... 佢有幾個優點..
1. 試妝地方夠大...
2.佢用既野好淨乾...
3.佢價錢好合理...
4.佢既力度好溫柔... {尤其除假眼睫毛個時}
5.最重要最重要...就係唔怕狗..
所以... 一試完我就二話不說join了full day 啦..
又搞掂最難搞既mua...very good
>>>> 相片... 私有化blog友先睇到<<<<
2011年6月18日既今天...
他終於求婚了...
雖然沒有浪漫的對白...
沒有感動的場面...
只有一束小花 + 一句簡單的句子...
當然這一定不是我想要的求婚場面...
沒有99支玫瑰... 沒有跪...
沒有令我印象心刻的對白
然而他卻有心思地選揀了同樣是18日...
然而他有把我的話記在心裡...
那麼我就.... 把那隻美鑽帶上... 答應了..
所以... 2012年11月18日我便正式成為... 何師奶啦....
尋尋覓覓左好耐...終於firm了我地既結婚對戎啦...
起初未接觸呢方面既野時候...
覺得好簡單... 但當我地去搵我地既婚戎時...先發現好多問題...
有石無石...粗定幼... 都好煩...
重要襯mikemike時..又唔襯我...
因為mikemike比較肥...手指都好粗...隻手又厚肉... 一定要帶d勁粗款式...加上佢重想要有石款...
相反...我隻手指雖然唔算幼細...其實重好男人手添.... 但帶隻粗既又好肉酸...而我反而鐘意無石款...
真係行左好多間...好多次...
最終都係搵返周生生...
超初想揀佢地賣行廣告個個系列既對戎...
但唔知各位b2b有無試過上手... 真係勁唔好帶...
再轉揀其他款....又係同樣襯佢唔襯我...
endup... 經理叔叔都有提議過...重講得好啱...
有時唔一定要一對一式一樣既...
2個人走埋一齊..都唔係一模一樣架啦...
只要有緣份... 唔一樣最終都會變到一樣...
真係講得好好聽...
所以...我地決定..各自揀自己鐘意既一隻介指...黎做我地既結婚對戎...
咁講真..拼埋一齊..的確唔可以話好襯到為一set...
但眼見mikemike真係好鐘意個個款...我都無乜所謂...
因為mikemike要改size...所以未有相睇.(後補) ...
不過今次同樣...又overbudget...但今次係mikemike揀既... 佢開心就夠啦...
最多又要再慳d囉...
因為要剪頭髮既關係...
係呢個端午節出左尖沙咀...
剪完見有少少時間...
mikemike知我鐘意睇衫...所以佢又.... 咋咋弟弟行去婚紗街...
路過蝴蝶樹樓下...阿ee不停叫我上去睇下...
我見佢咁熱係度派傳單... 都幫下手上去...
其實本身我自己都未聽過蝴蝶樹...
係我表姐結婚時係租呢間...
因為佢同我身形一樣... 高高地... 而我再翻睇佢d結婚日既相...
覺得佢既eg,wg一d都唔娘...話哂係06年既款式...
所以對呢間野都有一定既興趣...
但我都有問過我阿嫂... 佢就話... 好貴... 同埋唔肯改短...只係啱d高人著
心諗...咪即係為我而設...哈哈哈...
然而今日上到去...環境ok啦... 咁多年..裝修都有d舊...
不過sales 姐姐好好...先攞d相簿比我睇...
睇完問我鐘意咩... 我講哂我既要求後...佢攞左5,6件婚紗...比我拼...
全部都係我鐘意既.... 勁短拖尾... very good.... 重有有條係零拖尾...真係啱哂我
同埋都幾新淨...佢全部都入哂袋... 唔會件件放哂出黎.... 感覺乾淨d...
睇完婚紗...佢又再搵晚裝.... 攞3,4件後...
mikemike開始唔耐煩....就話不如問左個package咩價錢先...
個package 好吸引...佢又話雖然無擺expo...但都會响應呢個expo 時期...而再優惠d
所以個價錢比我想像中平好多...
佢重話free 2件比我試...
可惜....時間有限...趕住返去做節...唔敢試住...
真係差少少又join左...好在.... 今次...行得硬....
我地2個又有進步...
btw....多唔多B2B識呢間蝴蝶樹呢...
今次係第2次去婚紗展...
主打今次要搵影婚紗相同當日攝影...印帖咩價錢...回禮禮物...
其實之前mikemike都一早諗住join個my memory...
只係等expo先firm ...再睇下有無咪優惠...
我地太約1點半去到...
行來行去.... 問來問去....
問左..at studio, spring wedding, white produciton, vow...重有好多好多
我自己真係鐘意既係white production...夠哂簡約同自然...
不過個價錢就一D都唔自然...而mikemike唔係咁鐘意... 佢話...唔覺值貴喎...
所以最終都係搵返my memory...join左香港1日+深圳1日 同埋2P1V既當日攝影...
另外....我地酒樓package係乜coupon都無送架...
連例牌既法國婚紗同蒙羅麗沙都無呀...
所以我地都join左法國婚紗...因為mikemike話想要係遊艇...所以Join 左遊艇+園內景個package...
而租衫既我都睇左幾間都覺得幾靚...不過唔會咁早join啦...
都有睇結婚對戎架... 今次睇中既係PN...Snow white...不過都係個句...唔洗咁早買掛
今日我地行到8:30先走... 真係筋皮力盡....
好在搞掂婚紗相同當日攝影... 再搞埋MUA....我就可以休息下先啦..
其他野...應該唔係咁急住掛...
自問我真係一個好鐘意買衫既人...
到結婚都好...我最concern 都係衫....
(見我件褂...諗都唔諗就租左就知啦...)
所以我大部份上網搵資料.... 都係搵衫....
咩花球... 報置我都唔理... 一味睇衫....
而我自己...一心都好想著旗袍 ... 但眼見出面租個d...實在好一般..
我都有睇過中藝... 但就貴到無朋友...加上款式都好一般
而呢個星期我有日day off.... 除左陪媽咪去gel 甲... 攞衫之餘...
都睇下d布同埋手工好唔好
當然偉大既祖國係平好多....
搵返上次媽咪訂造個間個師父....
而佢舖面有一件現乘既紅色係度...咪諗住試一試先...
點知...原來我係著唔起紅色架.... 我媽咪重話成日鬼咁..... 激死我!!!
一心想要紅色點知又原來著唔起...
咁唯有揀其他色....
最終... 比我搵到塊我覺得都幾ok既香檳色有立體花既布...
再返去師父道度身...師父又ok喎..一d都唔娘... 重幫我諗左個款幾靚添...
真係好期待.... 希望出黎個效果會更好啦...
