習慣

一個星期啦...我慢慢開始習慣...

我將呢個星期既節目都排到滿一滿..

因為我唔會比自己一個係屋企..我怕我只會諗起你..

有一朝我唔知醒起身..我都慨嘆如果你係度..你一定會叫我起身..

或者你係响度..只係叫唔出聲..

有朋友都開解我叫我用另一個角度去諗..

上一世唔好下一世先會做狗.. 既然佢咁快走左即係佢今年做左d好事..

所以閰王比佢早d投胎..唔洗再做狗..

希望佢真係响另一個世界過得開心..希望佢既下一世可以做到佢想做既生物..

 

笑容消失了

屋企少左你變得好靜好空洞....

我都唔想返屋企...

我呢日我終於知道咩叫做牽強...

有咩我都唔識笑... 只係發呆...

人地話狗仔走左唔好成日掛住佢..因為佢會唔捨得你..唔去頭胎..

但係我又唔識點去放開.... 唔再諗住你...

其他人會覺得佢只係動物.. 一定會死.. 掛住都無用..

但係我係人..有血有肉..有感情... 點可以話放開就可以放得低...

最傷心既一夜

我無諗過陪伴左我八年既你..會突然離開我..

我雖於知道咩叫豪哭..咩叫聲嘶力竭.. 咩叫眼淚都流乾..

一切太突然..我什至乎諗過呢一切係假只係一個夢..

我唔識點去同你講拜拜..點去放低你...

如果真係有今生來世既..我只希望你頭胎再做我既狗狗又或者係我既仔女...

 

ChRiStMassssssssss2006

yahoo 死死地搞到我都寫唔到blog... 想寫既一唔寫呢就唔記得架啦..

21--同媽咪去左尖沙咀.. 買左今年送比自己既大禮物...mulberry手袋..好鬼貴..唔係減價都買唔起..

22--公司做冬..食左餐政治飯咁..又悶又唔飽..好在放半晝可以走人..同eva行街街..

23,24 都要返工(part-time寵物店).. 24號晚..我竟然收到佢既sms.. 同我講merry christmas...好意外..我地互想sms左幾句之後..我話無人約..佢重date我添..不過我住到咁鬼遠...個時又好夜..所以推左佢..有d後悔添...

25--媽媽送左個手提電話比我..好開心...夜晚我又sms佢..睇下佢會唔會又約我...點知..佢話同朋友上堔圳...激死..同哥, 表姐個d去左tribeca... 都無貨到..三點幾就走哩..

26--係屋企話左一晚

29--係公司附近又撞到佢...

所以呢個假期十分開心...

別離

星期二..妹妹走左啦 (part-time寵物店既芝娃娃狗)..佢係幾個月前做左個大手術..

諗住佢可以活多幾年..點知..突然急性腎衰竭..

老闆娘好傷心..日日以淚洗面..

我自己諗返都好唔開心..話哂我都佢相處都快要七年啦..

希望佢下一世會活得比今世好..

再見啦..妹妹..

rAiN iS cOmIng....

rain 又黎香港開演唱會啦... 係1月12-13日

等左好耐啦...

好想去睇呀..........但超貴重要無人陪............

...miss you much.............

小b豬--快d好返

我屋企個比比豬病左..星期一晚開始佢就係咁咳同喘氣..

搞我到我成晚都無訓..要睇住佢..

跟住星期二我就請假帶佢去睇醫生...

醫生話可能天氣轉影响佢..但係聽佢既心跳聲..就唔係咁正常..

要長期食心臟藥.. 好可憐..又話佢年紀大.. 養狗既人最怕就係聽呢句說話..搞到我好唔開心添..

跟住尋晚同今朝佢都無食狗糧...成個狗都無哂精神..可憐豬..

快d好返啦..bb... 媽媽好擔心呀..