2007年4月

我同佢都發展得好快..同佢拍拖一個月..我地相方都見左對方家長啦...

媽咪對佢印象ok啦...爸爸直頭覺得同佢好啱key..因為太家都鐘意車...連堂細佬joejoe都超鐘意佢...

佢都幾合家歡架...

 

2007年2月24日晚

今晚去左哥哥既b'day party...本黎想唔去架..但係驚哥哥鬧....

不過呢....有意外既收穫既.....咪就係識到--佢--囉...

個晚初頭都無乜留意對方架..後尾聽到佢講狗經喎...咪八掛問下佢養咩狗囉...點知佢都係養mellow仔架...

咁大家交換電話..話得閒一齊帶狗狗出黎玩...

我自己心諗佢都唔會搵架啦..應該多口問下電話姐...點知...個晚之後..

佢就一連串既sms攻勢啦... 又話想買d狗狗野...約我出黎呀咁囉..

就係咁比佢"借狗為名"而一齊啦... 一段寵物情緣就係咁誕生啦....

佢隻狗狗....叫bear bear

2007年2月4日

今日係mellow仔黎到我地張氏家族既日子

佢係一隻玩具貴婦狗 (toy poodle)...2006年12月13日出世架...

今日計呢佢就係1個月零23日大啦...眼耳口鼻手手腳腳都好細呀... 好似隻小老鼠仔!..

之後既一個星期...我地全家都無覺好訓哩...因為佢成日係度嗚叫.... 唯有靠做開廳長爸爸抱住佢訓啦...

 

講下佢個名係點黎啦...MELLOW

初時係諗住叫mocha架..但係哥哥話唔好喎..太普通..咁我又再諗過個...

跟住比我突然諗起以前中學學過既一個字...我再查下字典搵下真正意思..就安左mellow比佢啦..

mellow其實同happy差唔多啦..都係開心既字...就係咁改名成功啦...

 

其實mellow仔係媽咪買黎想我再有返笑容... 好多人都覺得我係貪新忘舊..舊既狗仔走左唔應該再養狗..

但對我黎講... 係我身邊既每一樣野都係無得取代.. 更可況係隻陪伴我八年既狗狗.. 我會認為mellow既來臨唔係等如舊既狗狗結束...佢係我心目中永遠唔會結束...永遠係我心入面... 腦海裏面...

我成日同自己講..bb係等緊投胎..投胎做我既仔/女..所以我都叫bb保佑我快d搵到男朋友-->結婚-->生仔..咁佢可以重投我身邊啦...

亦都因為咁..所以我就改左個歡思,開心既名比依家既狗狗..其實有啲"耶穌" feel..不過我係神婆黎架...hehe

遺忘了這個blog

好耐無blog啦.... 唔知係自己遺忘左, 唔想寫定無時間寫呢....

不過突然比另一度既網友提醒左我... 咁我又鼓起勇氣黎update返個blog...

呢段日子都發生好多野呀...等我back dated 返d 日子先得...就由2007年2月4日開始.....

依然想念

三星期多啦.. 我重好掛住你...

原來我真係唔可以一個人自己係屋企..

只要見到你以前最鐘意訓既地方都會諗起你..

無你既日子...過得好慢好無意思...

 

習慣

一個星期啦...我慢慢開始習慣...

我將呢個星期既節目都排到滿一滿..

因為我唔會比自己一個係屋企..我怕我只會諗起你..

有一朝我唔知醒起身..我都慨嘆如果你係度..你一定會叫我起身..

或者你係响度..只係叫唔出聲..

有朋友都開解我叫我用另一個角度去諗..

上一世唔好下一世先會做狗.. 既然佢咁快走左即係佢今年做左d好事..

所以閰王比佢早d投胎..唔洗再做狗..

希望佢真係响另一個世界過得開心..希望佢既下一世可以做到佢想做既生物..

 

笑容消失了

屋企少左你變得好靜好空洞....

我都唔想返屋企...

我呢日我終於知道咩叫做牽強...

有咩我都唔識笑... 只係發呆...

人地話狗仔走左唔好成日掛住佢..因為佢會唔捨得你..唔去頭胎..

但係我又唔識點去放開.... 唔再諗住你...

其他人會覺得佢只係動物.. 一定會死.. 掛住都無用..

但係我係人..有血有肉..有感情... 點可以話放開就可以放得低...