佬佬做左公公之後..都未沖過涼呀...十幾廿日啦.... 佢係勁勁勁勁臭...
重要比其他屋企成員嫌棄.....
所以係入冬以黎最凍既尋晚我幫佢沖左涼同修葺左少少...
因為佢成日左寧右寧...你睇今次佢幾肉酸... 真係我既失手之作'
叫你望鏡頭...你又唔知望乜鬼...
望到正面時又申脷打咸露
你睇你條脷...........長到可以打結
係我又鬧又采之下..............影到正面...不過個頭好肉酸呀.........
因為太凍啦...佬佬著左2件衫衫...不過d相依然係out focus.....
全身.... 睇下條波波尾..我好比心機剪架..好圓架...
又唔知望去邊...
繼上次以為按揭ok..原來係重要等架..麻鬼煩... 又要等個一個星期去approve 喎
一個星期後既今日銀行就打黎話ok...跟住要再fax佢個封pre-xxx letter去律師樓...
跟住又再等律師樓個邊睇文件...當所有文件齋啦...先叫我地上去簽大契... 再訂埋個收樓日期............pick up左封收樓信之後呢...就去新居度進行收樓啦........但呢個過程又唔知要等幾耐...... 下星期都未搞掂的話... 就要等過埋年啦............真係等了又等...
今次比大家睇下哥哥自己畫既佢自己間房傢俬擺設啦....
大家要注意個個LCD電視機..我同佢都嗌左好耐..佢死都要放架32吋係房..........邊有人放咁大部係房架..重要佢只係用黎打機...唔係一心要用黎睇電視喎........
跟住佢話要去買張地氈放係佢自己間房...媽咪問佢去邊度買..佢竟然答去優之良品買.............我同媽咪就笑到.
mellow變左做公公啦.... 今日一早出左去獸醫診所...放低佢之後...三點半再去接佢...
佢個樣好可憐呀....返到屋企帶左頭罩又唔肯訓...係咁叫....好心痛呀....
呢張係我禁低佢..佢重坐一陣咋.... 你睇佢...
係08年既第一日買既野就係佢啦...
比個外觀大家睇下先啦...
成個屋苑有十三座... 每座十七層... 有2個club house... 一個泳池...
呢個屋企最吸引我就係可以比狗狗自由出入架...以後佬佬豬就可以唔洗咁鬼祟啦..
真係買左到家陣係十五日啦..不過都梗係覺得未係好實在...所以無乜點提..雖然有少部份朋友仔都知...hehe..我係忍唔到要
上2個星期前其實己經揀左d買樓送既傢俬架啦... 都係係咁e...篤篤篤就揀左... 跟住同日去搞按掲d野...不停咁比資料...又要等...初時又話咁唔得咁又唔得..真係最煩係呢樣...按掲搞唔掂...咩都企係度架麻... 所以想盡快搞掂佢啦...
終於係今日銀行打黎話ok...十七號去銀行簽埋個名就掂啦..好彩...比預計快左成個星期..真係好...hehe....希望快d有得入去住啦...
呢個星期六我去左幾個無去過同好耐無去過既地方呀...
首先同肥嘟嘟 (佢個新花名) 放工約左係灣仔等.... 本黎諗住去大陸揼骨...但係最後放棄左...要諗過另一個節目....
之後比我諗到去睇下傢俬啦... 就走左去好耐無去過既九龍灣徳福花園....睇宜家傢俬同未去過既megabox 的b n q ....無野行架.呢個megabox...成個大型outlet咁... 香港真係成日都雷聲大雨點小.. 講到咁行...其實無野行...反而德福先勁...年幾無去過姐..大左好多咁....
之後再約埋哥哥, vancy 同parkson食巴西烤燒...hehe...我未食過架... 係天星碼頭度接哥哥再行返去尖東...又行我未行過既星光大道...好新穎呀...我都唔知多左咁多野... 有人唱歌跳舞添呀....當然都重有人賣花啦....行行下...哥哥話不如留倩影喎...之但係佢2條柚都係栢金遜架.......... 影左成六七張都手震....唯一好d係得呢2張...
我和哥哥....
我和懶型既肥嘟嘟..........
重有我和肥嘟嘟既自拍照
因為mellow仔要做desex呀...所以我同佢剪左d毛毛...順便試埋個電剪.... 都ok架...
首先要忙自己屋企啦..因為屋企人大家都patpat癢咁買樓...再加想等樓市好又賣樓喎..所以超多野忙呀....
前2日舊屋要油油執靚佢先賣...所以可憐既小佬豬要去petshop度寄宿2日一夜呀..重要係我親手放低佢係petshop..佢實嬲死我.... 不過我都唔好過架..成晚無訓不滯掛住個衰豬....
另外呢... 我要做kathy既伴娘.... 一生人只可以做2次架咋...第一次就奉獻左比你啦kathy...第2次要留返比我個好朋友哩... 其他人無行啦...hehe...
尋日去陪佢揀晚裝婚紗成成咁..當然重有我條伴娘裙啦
下面呢頭係其中試既一條... 不過無揀到呀...揀左另一條淺黃色吊帶不性感款式....但唔記得影相...
見到佢揀個d晚裝好羨慕呀..不過係羨慕佢有得著..唔係羨慕佢嫁人喎...你地知我幾咁鐘意扮靚又貪靚架啦....唔靚既女仔就係咁架啦...hehe
遲d再update我既新屋事宜啦
因為零七年最後一晚既倒數.... 所以零八年既第一天我係下午先起身........
比人同狗係咁嘈醒之下...我就同埋家人係迷迷糊糊既情況下去左飲茶...
再迷迷糊糊咁行supermarket話要買埋今晚既餸.........
跟住................ 我...八八掛掛咁係商場入面一d舖頭度睇下野...
點知諗住望下姐...... 媽媽同哥哥竟然"up"哂頭喎.........
跟住就搭車... 再去睇真d啦...
睇呀睇...睇呀睇............. 媽媽似乎好鐘意喎....就係咁落左搭啦..................
跟住我地個個都好興奮咁搭車返屋企...
打後hehe...會過得好充實哩.............
至於係咩.................... 似d話你地知........
