計劃篇 - II 續 ~~ 睇樓-II

計劃篇 - II ~~ 睇樓- II

2010年1月10日 ... 我地又睇樓...今次轉左d人腳... 上星期係mikemike,我,mikemike朋友1男1女...今次係mikemike,我,我媽咪同堂細佬

原意係睇屯門市中心既點知mikemike 睇睇下人地d 樓盤宣傳video就吸引左佢去睇近屯門泳池個邊3個盤...

分別係海典軒,南浪海灣同埋嘉悅半島

又分析下呢三個盤先...

1. 海典軒... 三個之中最新...得五年樓齡 ... 信和樓..比養狗..呢度分別睇左3間...

未入到去睇屋之前响大堂等左一陣... 淨係等個下我同我堂細佬都比佢俘虜左一半... 保安好密... 入閘用八達通入閘 (呢個好多都係)...但另外如果外訪者黎到..要登記身份証..加要禁上對講機...有業主開門先比入..如果禁完對講機後無人開門會自動飛去業主手提電話... 所以有人白撞就實知啦...very good

大堂靚... very good... 而d lift 呢 係响大堂等lift位度禁埋樓層..跟住佢會顯示叫你搭邊架lift..即係ifc 既等lift 設計囉..very good..haha... 上到去..d 走廊位夠光..又通風...very good good

第1間 -- 617呎 2房 10樓

廳大係日字廳好擺野...廚房大..廁所大.. 係d房個窗台位要改為做埋床先覺得間房大... 間屋好新淨... 因為業主係吉屋出售..所以無乜傢俬... 房位唔知點擺野好...有個大露台...放個bbq 爐都得....不過我自己唔鐘意有露台..因為係零作用...現家住個度個露台都係哂左...我係絕對唔會比d 小寶行出去...

第2間 -- 617呎 2房 31樓

同第1間一樣間格..今次呢度有得睇埋傢俬擺位... d房本人業主就係改左窗台位做埋床... 成張床好高..媽咪一見到就話高床暖枕..而我就話..咁高... mellow點上床訓...

第3間 -- 617呎 2 房 2樓

呢間呎數一樣..但間格唔同... 一個長方形廳... 廁所比之前2間細少少...但另外2間房大d... 呢個間格都ok..係衰在個廳無窗...之前2間都有對流窗..感覺好d... 不過2樓唔算矮..因為1-5樓其實係商場..所以實際2樓其實有7樓咁高啦...

以上三間最好就係全部磚地... 唔係油木地板

2. 南浪海灣 ... 三個之中比較舊d...有10年樓齡... 不過大廈公契寫明唔比養狗..所以我地就唔睇哩...

3. 嘉悅半島 ... 有8年樓齡... 大堂位大..但唔算grand... 保安無咁嚴... 唔係ifc style既禁lift方式... 上到去走廊位有d暗...燈光唔夠...

第1間 -- 626呎 2房 25樓

呢間本身業主有裝修... 有假天花...燈糟...層板都入哂牆... 望落廳, 廚房同廁所重大過海典軒... 係個主人房細左d... 不過係油木地板...呢間如果住的話..mikemike話要拆哂地板, 假天花同埋燈糟...hahha

第2間 -- 626呎 2房 6 樓

同上一間一樣間格... 但係呢間個業主多野到暈...入到屋有寸步難行既感覺... 自問我自己間屋都唔算整齊...但原來有人間屋可以亂得咁緊要...真係嚇死人..重要話住左一年..但係d野又舊又殘..同樣係油木地板...

第3間 -- 638呎 2房 1x樓 唔記得

間格都係差不多... 大左係邊我唔知... 不過地產話呢間屋業主只係買黎渡假... 所以比較新淨... 而我十分欣賞佢間細房...因為改左做衣舞間..ahhaha..啱哂我... 呢間幾鐘意... 同樣油木地板...

呢度好處係無露台及窗台無咁大

睇完呢度2個盤.. mikemike話very good... 我串返佢..呢d先係人住既樓...佢係咁點頭...哈哈哈...不過呢度唔平... 呢個價錢..可以買荃灣or 九龍灣個度d 樓...不過我地又考慮... 呢度新唔洗點裝修...如果荃灣個d 可能好舊及要裝修..

暫時黎講... 海典軒係mikemike首選...佢話睇完連市中心個d都唔想睇... hhaha... 不過媽咪就叫我地睇埋比較下...橫掂有排都唔會買住..睇下比較下好d既

 

 

計劃篇 - II ~~ 睇樓 I

計劃篇 - II ~~~ 睇樓 I

現家既我同屋企人一齊住屯門... 而哥哥第時會住元朗... 所以我地優先考慮既都不外乎係屯門元朗...

好多人未住過都覺得好far away from 市區... 但其實屯門,元朗真係好方便... 我返中環都係半個鐘...重有埋西鐵..出尖沙咀又係半個鐘多d... 加上屯門元朗比養狗既屋苑選擇較多...而最大既吸引力...梗係樓平啦... kekkeee....

2010年既1月開始... 我同mikemike就多左個週末活動...就係睇樓啦...

1月3日 -- 元朗區好順利大廈, 好順景大廈及鴻運中心 三個盤..都係好近元朗西鐵站

好順利大廈及好順景大廈 -- 樓齡一樣咁舊... 佢叫大廈..但對於我黎講叫洋樓... 唔係mikemike個朋友好介紹..我應該唔會睇添...等我續一講下呢三個盤

第1間好順利大廈... 499呎 2房

大廈大堂可接受...因為剛翻新...但搭lift上到去d走廊位好暗..d牆好舊... 有d驚...

有人住緊既....入到屋啱啱個門口位有條橫樑..好似一入屋就壓住你咁...no good... 間屋好殘 .. 廚房唔算大...廁所無比細... 主人房同間細房反而又唔細...個廳係2邊廳易擺野...

第2間好順景大廈 ... 510呎 2房

大廈都係啱啱翻新完所以可接受... 同樣走廊位好暗.. 呢間係吉屋... 但係一入去好得人驚...重係鐵窗...真係嚇死你... 買左我估最少掉30萬落去豪裝完先敢住... 廚房大... 廁所正常...但房好細... 另外個廳怪怪地...完全唔好擺野... no good no good....

睇完呢2個間我都勁驚... 因為我係勁細膽...如果要我住係度我估我日日心驚膽跳... 所以比mikemike串我... "你住緊個度又新環境又優美..要住你個d咁上下..買唔起架喎.".. 真係激死我呀...

到第3間 -- 鴻運中心 486呎 2 房

呢度聽落個名好怪..但其實呢度反而係三個中最ok.... 大堂ok...夠大..又係翻新左... 吉屋睇既... 廚房大廁所大...但係房細... 個應係長方形... 可能因為樓層高成26 樓... 行入屋好舒服...好光..無開燈都好光.... ( 個日係陰天睇樓) ... 我覺得可以接受呢度...不過mikemike唔鐘意..話個廳太細... 驚d小寶住唔慣... 大屋搬細屋...無位走動喎... 哈哈...算呢個未來爸爸諗得夠周度啦...

所以以上三個樓盤都放棄...太舊..太細

計劃篇 - I

計劃篇 - I ~~~ 開始計劃

(為左方便d補返前三個月既事情..所以會好簡短咁交待)

2009 年 9 月左右... 拍拖約2年半既我同Mikemike開始計劃將來...

2009年 10月 我地開始開戶口儲錢.... 向我地既計劃進發...

雖然話開始計劃...但真係由零開始... 所以都唔會係短期耐既事...

我地既計劃重可以話都幾搖遠添... 不過咩都要諗... 咩都現家先開始諗...諗得黎...搞得黎真係...有排既..而我地2個主要儲錢都係for買樓... 結婚既錢梗係由男方搞掂啦...哈哈哈...

到2009年12月.... 竟然...收到個天大既好消息.... 就係我哥哥要娶老婆啦... 重訂左係2011年添... 但另一方面..即係...我要再遲D囉... 不過佢係哥哥...佢結先係好正常既...

哥佢地咩都易話為...因為好多野都唔洗點諗... 而我同Mikemike淨係諗住係邊都頭大..

最重要既係... mikemike係一個唔會同居既人... 亦都係一個唔肯租樓住既人... 佢話..下下幫人供樓無著數...但係現家D樓咁貴...要住市區真係好難.... 加上我地2個都唔想一開始就咁吃力...所以我地既選擇都只係新界區...

 

 

Christmas and new year

25.12.2009

mikemike, joejoe , 媽咪同我去左世界之窗

mikemike同joejoe未去過..而我呢...五歲個時好似去過

睇就無咩特別野睇...只係影下相咁...

31.12.2009 大除夕我都無出去...

响屋企同d寶寶過重開心...

出面太多人..年紀大無謂同人地迫...一陣迫到腰骨都斷埋就無謂

2.1.2009

今日先有個任務就係幫頓頓剪毛..

before無影...得after睇咋...

剪得都ok丫..無牌美容師係咁上下...kekeke

剪完毛後...我就整我個回禮禮物...

事原mikemike話要取消節日既送禮物環節...

咁我咪乜都無用囉...點知佢個衰野又有送比我喎...搞到我無準備

所以今次就整個blueberry cheesecake比佢當回禮...

個cake真係ok架... 不知幾好食...不過個衰mike話好漏...食左一舊就唔食...哂哂我既心機

頓頓visit my home

頓頓打齊針後...梗係第1時間黎同佢d表兄弟姊妹玩下啦...

要一提既係...佢爸爸媽媽棄用"鈍"而改用"頓"呀..

Genie: 媽媽...佢太熱情啦..不停追住我... 我好驚.....

呆呆頓頓坐埋一齊... 好唔襯喎... 頓頓重好唔客氣咁踩肥呆...

至於genie真係腳都震埋....合照個時搵位走....

mellow 完全唔敢同佢玩玩...因為怕整到佢....影相都就住佢...

mellow: 平時我响屋企無野做...閒時都會幫下媽媽手..

mellow : 就係幫媽媽管理facebook入面間cafe.... 你知啦..d野食煮好左好快壞架麻...

mellow : 等我著返件粉紅衫衫... 襯返媽媽間房先....

後記:

呆呆見到有新朋友入左黎屋企呢.....係好開心同好客...會盡地主之誼黎同佢勁玩... 不停追追逐逐.... 所以佢真係一隻happy dog..

至於小煎就梗係得個驚字.... 因為佢細膽到嘔...人地追佢佢就搵人救...正一無用豬...

至於咩咩呢....佢唔開心呀... 佢好似驚又多一個同伴咁...我抱住頓頓個時...佢好可憐咁望實我..一步都唔行開... 直至我放低頓頓.. 佢就要我抱實佢啦... 可能佢怕再多一個同伴瓜分媽媽既愛

呆呆之後... 會係???

所謂...痴痴呆呆坐埋一枱... 繼肥呆之後會係咩呢??

而我屋企..又會多個新成員....???

佢個樣又真係有少許...傻傻地咁款喎..唔通真係呆呆個friend.??

joe joe見到佢... 又愛不釋手... 唔通真係要帶佢返屋企??

但係...凡事要三思... 何況又要多隻小生命...

joejoe都話要自拍.... 唔通joejoe都"有少少鐘意左kui"??

我同佢又好似有少少母子相喎... 點好呢??

個衰仔又難得戚咁..

查實....佢叫頓頓... 都算係呆呆個friend既...因為佢係哥哥女友新買既狗狗... 算係我屋企既哎呀成員啦...

希望佢健康成長... 開心又開朗啦...

5.12.2009 小qoo birthday party

小QOO 生日... BBQ...

佢就係birthday girl..小qoo

今日有得出席係小寶Genie...個個都問我點解帶佢....

因為另外個2隻沖左涼...所以唯有帶佢囉...KEKEKE...

呢個女真係驚驚青... 又怕凍...完全唔玩..唔落地...真係無用呀...

有小QOO 細佬黑忟忟.... 重有nano....佢2個好似樣...重有其他小朋友架...

但要偷相先POST到....

我個靚媽媽...佢話好少同小煎影相..要影下喎...

點解無影其他小朋友..因為掛住影我既全家福...kekeke...係咪好sweet呢...

真係影得我地好登對....