尋衫,尋對戒

今日睇左2樣野...

1.係衫....

2.係結婚對戒

衫 ---- 先講下我自己對WG EG既要求...

其實我係鐘意D簡單款...A-line...魚尾...但我鐘意多lace...唔鐘意長拖尾..

之前有行過金都.... 當然...唔係我杯茶...

所以今日行左tst既婚紗街... 尤街頭行到街尾...

只有1間吸引到我目光..就係叫SPRING WEDDING... 但我無入去睇..因為我知好貴..

所以唔入好過...一入怕忍唔住...

有一間好多Blogger都讚既Elegance.... 但佢放display個d衫吸引唔到我入去..

而我有入去攞資料既有希臘女神... 外租package唔平...但我一件都睇唔上眼...

重有一間叫Red Wedding...呢間超多人...有埋電腦比人揀衫...但奈何太多人..我好快走人

第三間我就離開左TST向佐敦進發...去左vanesse L. 佢個package price 好吸引...佢攞左3件婚紗比我睇...我都覺得OK...有少少合我心意...但因為無make appointment無得試... sales姐姐聲稱優惠做到月尾...所以我諗諗先...無Join...

後話 : 又係因為Mikemike 個種...先入為主既潛意式...佢又自動定左話要租呢間... 當然我見佢個package咁吸引..D衫唔算唔ok...再加上件褂咁貴...係WG EG度要搵返D中價D價錢好D既心情底下...暫時應承佢話租呢間...

2. 係睇結婚戒子...

睇左PN.... 齋睇ok...試上手...唔OK...

周生生個對Love diamond系列.... 其實ok...但我自己唔係太鐘意有一粒石仔既款

周大福... 完全..... 唔洗諗...

今日係因為咁啱經過有PN..所以先無那那去左睇結婚戒子...

其實我地各自都有心儀既brand....

Mikemike 鐘意 cartier 既love系列...唔知點解佢硬係鐘意呢款...

我自己...就鐘意VCA...皆因好朋友既介紹....之前上網上blog search 發現無人彈(除左個價錢)外...其他都係勁好既comments... 所以我就愛上左...

總結今日我地都好忍手...完全無衝動...哈哈...有進步

finding a MUA

繼book 左場地...

租左褂 (比較快左d)...

好多人話要搵MUA...

應該好多B2B 都係話..要自然...淡D...

我都一樣... 但自己最concern反而係set頭...

重有頭飾...

各位有無MUA 推介呢....

褂 -- (私有化)

先講返場地... 我同mikemike confirm左翠園..

見個日有人擺婚宴..d staff幾好服務... 加上開哂水晶燈後... 成個場幾靚..

而因為我地咁早book的關係... 可以用23 圍...去book佢 28 圍個個場...

雖然無咩送... 但都ok啦...價錢合理

/

/

/

/

另外... 今個weekend..除左book左場外...

重租左另一樣野...

就係褂..

原先我一直想租潮褂...

但未來奶奶....提議了 冠南華 租褂後...

我都自動打消左潮褂念頭...

去到冠南華...真係諗住運吉心態...

點知sales姐姐... 落下咀頭... mikemike又咁有意見下..

sales姐姐比左一件褂皇的頭褂比我試...

試完...我鐘意明白其他blogger所講.."叮" 一聲既感覺..

我一試真係鐘意到暈...

但聽完個價.............................就....嚇親

之後..sales姐姐話有另外同款的褂皇比我試..

先試返"叮"一聲既彩底褂皇.... 仍然係咁叮...完全唔想除

再試...銀底既褂皇... 無咁叮...但心諗如果同彩底差一千蚊我都會租銀底算...

而冠南華都有潮褂款出租.... 以唔洗錢既心態下再試埋...

一試..mikemike勁擰頭.... 本黎可以再試d五福...定其他款..但mikemike堅稱唔鐘意有紅色.

所以最後....就hold左件彩底....因為怕未來奶奶唔鐘意..所以比左1半訂先...

問準未來奶奶先再firm....

然而..mikemike都有試"阿福"褂... hahaha>..成個阿旺咁就真...

當晚.... 未來奶奶睇完..真係有少少微言...

但mikemike自己好鐘意..所以叫我照租呢件

場地 - III

 今日再去睇場地...

未睇之前都有打過電話去..有期先睇...

今日睇左4度...主打油尖旺

1. 係佐敦的欣宴

其實個場ok.... 但20圍係啱啱好..如果多1,2圍就會好迫

個假蛋糕有d怪...

現場睇水晶燈一般...但影相好靚....

2.跟住.. 去左旺角新世紀...

呢間係鴻星... 我覺得幾好..要at least 33 圍先包場...

3.再到隔離的翠園...

我好鐘意...

不過有2條柱....佢話如果到時set 枱..唔會遮住睇唔到台

d 嬸嬸既制服..好有lolita feel...haha..

基本上今日睇呢4個地方都within budget...

所以我地都confirm左....其中一間....

btw ... 可以提供下比各位blogger...

之前打去問過2012年10-12月的所有weekend都full哂...

 THE ONE的 煌府

THE ONE 的 迎

THE ONE 的 利寶閣

ISQUARE 的 利寶閣 (呢間min. charge 比THE ONE 貴)

TST 的翠享村

九龍灣的 煌府

 

擇日

繼之前提過 ... 擇日問題...

本身諗住我媽咪搵人擇... 之後同佢父母講完... 佢媽咪堅持要男家擇後...

再拖左個幾星期後.... 佢媽咪又比返我呢邊擇...

終於....終於都有日子返啦... 真係頸都長

媽咪係五月一日比師父既...

到今朝五月五日收到師父既email ...

佢共埋擇左12日比我地...

但係...只有一日係weekend...其餘係weekdays 又或者係聖誕節...

分別係...

2012年11月18日

2012年11月23日

2012年11月30日

2012年12月5日

2012年12月18日

2012年12月21日

2012年12月25日

另外個d...就係2013年既3 月同 5月...

但實在太後啦...所以就唔考慮

所以....我地決定左...2012年11月18日就係mikemike同我既big day 啦...

今日真係好開心....

btw... 我可以整我個倒數banner 哩...kekeke...

 

first run @ 太子金都

其實之前己經行過金都好多次...不過同mikemike呢..就只係第1次啫..

今日主打睇影相同decorations ...

發現其實decorations都唔係太貴..可以affort到...

第2樣就係睇當日攝影 + pre-wedding...

mikemike係好先入為主...只要佢睇完...覺得ok...價錢ok...佢就會決定...

所以佢行完成個金都...己經有攝影公司既決定

就係呢間my memory...

我自己睇相都覺得幾ok...佢有overseas pre-wedding plan..都幾吸引

本身無打算影overseas架...但mikemike睇完又話要型d...

不過... 全部都係depends on 佢..haha...因為肥仔話要keep fit先...

keep唔到就唔影overseas ....

場地 - II

easter holiday 的第1天... 進行我們的實地考察...

主要地點 : 荃灣

1. 荃灣綠楊新村的美心皇宮... 其實入到去真係幾靚...

樓底夠高...裝修新... 食品質數有保証...

再睇埋個價錢... 好合理...

因為未有日子...所以只係問下...12月的weekend重有邊幾日... 

都重有得2個weekend加聖誕節個幾日假揀...

2. 係 Lhotel...如心酒店...

大堂唔錯...

外國遊客跟內地遊客分佈..差唔多

本身41/F.的 Sky lounge 係2012年會改建..無得揀...所以唯有睇ballroom

佢個ballroom係 7/F. 我地睇個時..無event..所以乜都無間...

本身佢可以分開3個ballroom... 呢個係正中間...30tables 以上

左面..max 20tables

右面...max. 25 tables...

個場ok... 樓底夠高... 間酒店其實都grand..只係地點可能差少少...

menu...唔算貴...min charge ...未sure..因為easter holidays...d sales 放假...

overall...可考慮

3. Panda hotel..悅來酒店...

先睇個ballroom.... 係3/F. ....望完就閃....

再睇埋5/F. 個marquee... 因為第二日有wedding party... 所以set好左枱..佢max. 話17圍..但眼見佢set左12圍己經有迫既感覺...

其實呢個marquee 係新...但唔係好靚... 相比黃金海岸同都會海逸的marquee 差好遠呢

反而悅來酒店的menu 唔平..但佢個價錢包埋酒水....

但..不作考慮!