Mellow仔近照

咬骨骨既mellow

mellow : 影咩姐... 唔好搞住哂啦...

嘩..你睇佢咬到個口... 有鬼影..哈哈...

個條八掛豬mellow

行街街既mellow...

係媽媽床床既mellow

著左新衫既mellow...好靚仔呀...你睇佢咪咪眼..真係想食左佢落肚

24th b'day gifts

今年收到既禮物..

花花耳環from Whisky...

波波手鏈fr0m Mike

手袋... from我自己...heehee....

my 24th birthday @ Macau

venetian 一入去重以為係酒店大堂添..排隊CHECK IN...唔算多人啦...

後門既外觀...好似迪士尼....



25/9 ---

我同佢十點鐘相約係信德既美心共進早餐之後呢就搭十一點船過澳門啦... 十二點度就到啦喎.... 過到去第一時間梗係去酒店放低d野先啦... 我地免費巴士去到酒店... 一入去就係酒店check in counter... 都覺得奇怪點解會咁普通架呢...原來去到check in counter (可能今日唔係紅日, 好快就輪到我地啦, 等左十分鐘度, 搞check in都係二分鐘) 個酒店姐姐話呢邊係後門黎既....正面係正對面....叫我地去正門度睇下真正既酒店大堂喎...  跟住我地就行去搵酒店房間啦... 嘩---- 大到呀.... 真係好靚呀.... 唔會覺得自己係澳門... 真係好大... 行左好耐先去到酒店個邊再搭lift... 出左life又行好耐先去到酒店房...一開酒店房門就係廁所啦...有一個浴缸..一個企缸...2個洗手... 跟住梳妝枱.... 坐廁 ....  跟住行入去就係一張king size床... d床上佈置都幾靚... 跟住有個大lcd 電視.. 再行入d就係個小客廳... 好pro架..fax機都有枱.... 小客廳都有電視架... 其實係睇唔哂咁多部電視唔知為乜...

放低左行李就落去周圍行下啦... 去下gym 房... 泳池... 去casino同shopping area... 個casino只有一層..不過一層都夠哂皮..真係好似一望無際咁.... shopping area方面就當然超大啦.. 好多名店林立...齋睇only.. 咁之前佢話要同我影好多相呢原來係講錯左個字架 --- 應該係要幫我影好多相... 佢都無同我合照不滯..全部都係我黎架... by the way-- 佢係影左好多張相百幾張...之但係佢好多都手震...delete左三十幾張... 激死...當然我地有去睇個個貢多拉船仔... 無人坐... 泊哂係樹... 真係無引... 丫...真係要講下佢個天空天幕... 真係會令人日夜顛倒架... 好呃得下人架...我都完全唔記得左落雨呢回事....

行完哂成個venetian我地就搭車去氹仔度食野啦... 首先食左個好好食既翅麯同炸翅球... 跟住再食水蟹粥, 入面有隻大蟹鉀架..係佢剝比我食...hehe..佢第一次剝蟹架咋...都ok啦...係呢hea左少少... 跟住再食豬扒包... 真係飽哂哩........跟住有少少疲態所以就返左去酒店...>>>>> @酒店<<<<<<

到左夜晚我地就搭車出返去碼頭個邊搵野食啦... 去左食萄國餐... 食完就去睇永利個噴泉表演... 再去金少, 新萄京, 舊萄京打個白鴿轉就走啦...跟住行下新馬路....之後就搭車返venetian... 竟然竟然無車.... 等左四個字都無車... 條人龍足足有二百人咁滯... 等了又等之後返到去十一點幾啦... 搭正十二點佢就攞左個mini cake 同爉蠋出黎比我... 再送左份b"day gift比我啦... hehee... 咁佢終於都同我合照勒...得一千零一千咋...之後食完蛋糕... 沖涼訓覺....

房入面既相... 小客廳...

張大床呀...超好訓....

洗手間.... 都好大囉..........

呢邊係未起好架....所以無乜人影相....

HAHA...呢個係真人扮架..我初時重以為真係石膏像添...

係咪真係有D似迪士尼呢...你睇下個盞燈...

一邊係酒店D lift門.... 我覺得好靚...另一邊係新萄京入面個頂金蓮花....

26/9:

因為我同佢都係懶訓豬...十點幾先起身.... li li lo lo 都搞到十二點先出到面口check out... 嘩...今日紅日就多人入住啦..個條check in人龍我估都要排一個鐘....

我地去左食lunch bufflet..間野係venetian入面既...ok啦..不過不失咁啦d野食... 食完就去左casino.. 我地唱左六百蚊籌碼... 點知--- 輸下輸下就無哂哩....hehee... 我同佢都唔識賭既...佢重衰走去學人玩百家樂添... 咁財散人安樂之後我地又搭出去碼頭個邊...走去食好味既雪糕... 之後佢話要去試食煲仔翅..但係搵唔到...搵到我面青口唇白咁滯都搵唔到..最終就求其入一間食甜品既舖頭度坐啦.... 跟住去埋咀香園度高高興興買手信啦...就坐六點半船返hk哩.... 返到hk我地再搵左我做parttime度個老闆同老闆娘食dinner... 跟住佢送埋我返屋企..佢自己又再返屋企...咁我呢個24歲生日就完結哩....

呢度係CASINO黎架啦...好似迷宮咁...

佢同我慶祝生日..你睇個個蛋糕...係咪真係細到吹得走... 不過我知佢份心意既...hehee..

那....呢張就係我同佢既唯一合照啦..你睇佢笑得幾"燴所".....

previewing - my 24th birthday

因為近期太懶惰... 無update到個blog 添...

就算有都只係我個d瘋狂變態既購物行為... 都忘記左講下身邊個情人mike mike仔添..

點解呢篇綱誌叫preview呢.. 都明啦... 我就黎24歲生日啦 (26/9) ... 我個樣係老成d..其實真係得24架咋...

佢一早就訂左同我去澳門2日夜咁過生日... 重話要倒數添喎... 去得澳門梗係住近期最hit既 Venetian 啦...真係要落足眼力睇下有幾靚先得...

佢講明話要同我影好多相喎 (我有d surprise架, 因為佢都唔會同我合照既)... 同埋過難忘既生日喎...

好期待... 去完返黎滙報比大家知....hehe...

mellow豬豬剪毛毛

今日mellow剪毛毛呀...剪左個身...修左少少頭仔同腳仔...不過影得佢個身好長呀..

比個正面你先...

黎個右面...

再黎個左面...

就眼睇好似無乜剪咁..其實..剪左好多毛毛架啦..又要流過..不過見佢咁熱無計啦..

家庭船河日

今日係家庭船河日...晨咁早就起身啦..重早過返工... 因為架船係私傢船..所以唔係响西貢上船係响大埔上架...重好少人好多....

因為mellow係第一次參加家庭聚會..所以特別受歡迎...例如個個都話佢似熊仔呀... d毛似公仔麵..都埋假狗... 不過mellow好少理會...邊個抱佢就同邊個洗面...

四姨一家... 左起, 表妹, 表妹, 四姨, 隔左個大姨丈, 四姨丈

加大拿返黎既大姨媽.... 佢第一次見我地d狗狗..所以有d陌生... 當然隻狗唔陌生..只要有野食就得...呢隻金毛係舅父個細女...chivas

因為四姨太鐘意mellow所以影左好幾張相...

跟住到我同mellow豬豬合照啦... 不過個衰豬比阿bobo (黑色個隻狗) 追到好驚...左避右避... 連影張相都唔得...

好可惜影唔到mellow仔個游水樣啦...真係一拋佢落水就自動識游架啦...都游得好得意...佢狗仔細細但係游水就好多水花... d毛落左水又搞笑...變左成日都未煮好既公仔麵咁...

惡作劇後果

mellow : 媽媽放左我出籠籠..有咩好玩呢...

(張相有小小out focus左添)

mellow : 跳上哥哥床床度睇下有咩玩先... e... 有臭衫..重有個幾好咬口既袋喎....

呢個時候我發現..點解有個臭羅柚係度架呢....

mellow : 轉個身再咬先...媽媽應該未發現到我....

mellow : 勁呢..我再個袋由床尾拖行到床頭.. 哈哈... 等我施暴佢...

佢係正我面前咬架..真係當我死架喎...衰豬...

mellow : 哎呀...好似比人發現左添..等我比個甜美笑容你地...唔好鬧我呀....

mellow : 媽媽....我知錯啦...比我出黎啦...唔該...

因為佢上哥哥床床度搞破壞...比哥哥困返入籠..你睇佢個衰豬樣...真係唔得佢死... 咁可憐..所以我好返又放返佢出黎....