妹妹回家了

妹妹今日返屋企呀...

回家途中... 佢本黎都好攰架...但係坐坐下車就開始曳啦..要走出黎玩...

返到屋企啦... 試下個新籠先....

即刻買左個新玩具比佢.... 佢勁咬....

係籠入面好似一舊......屎...哈哈....

咩佬仔發現點解多左個籠又多左隻野架呢....第一時間聞下呢隻小BB先...

但係妹妹唔多理會咩佬仔...只係顧住咬玩具

開度門比佢2個親親咀仔先....

跟住放妹妹出黎玩... 咩佬仔好似怕左呢個小妹妹....

聞多2聞...佬佬已經怕左佢...走開一邊啦.....只係遠觀..........

影下妹妹個大特寫先

妹妹: 我真係女仔黎架......

一抱妹妹..妹妹就想訓..唔知係咪咁慣左抱住訓呢....佢咪埋眼好似賤兔呀....

佢個傻爸爸話要影佢有幾大隻...所以要搵D野黎做比較喎...

呢..睇下佢個傻爸爸.............

跟住同媽媽 (我) 合照先啦...hehe...佢個衰樣真係幾可愛...

跟住到爸爸......唔知點解佢勁鐘意mikemike.... mikemike一抱佢佢就眼咪咪...

佢同mikemike對眼都有d似......哈哈哈.....

照pet shop 老闆講呢... 妹妹應該係差不多三個月大架啦...2月14日出世...其實我計就13號既..但佢爸爸要定十四號喎... 出哂牙仔架啦... 暫定個名就叫住做 genie 先啦...

今日見佢周車勞鈍就唔幫佢做measurement住啦...之後先再做啦....

genie 你一定要健健康康呀... 同哥哥和睦相處呀...