西苑大閘蟹

17.11.08

無端端同事講起食蟹 ... 講講下話揀日不如撞日...所以尋晚就去左銅鑼灣的西苑食大閘蟹啦....

因為大家都未知價... 一去到見到套餐由488/位起至到988/位... 秘書無諗住食咁貴所以無叫到988 ...最終我地揀左688/位....

1. 先黎有每人一隻冰鎮鮑魚

視角與角度問題...其實隻鮑魚大過隻鼓油碟既... 第一次食咁樣冰鎮鮑魚...

感覺都幾新鮮... 口感都ok...

2. 蟹粉小籠包... 一人一粒.... 無特別...唔覺有蟹粉味...

3. 蟹粉翅... 都幾多翅架...可能影得衰...睇唔到...

如果988/位個個係食撈翅... 而我覺得呢個翅無撈翅同排翅好食好多..哈哈

食完翅之後..可能怕你會太滞..所以等左大約四個字先上大閘蟹

4. 話係七襾重一隻...都真係幾大隻...

不過d "膏"好似少d...

d肉都只可以講過得去... 我覺得唔值咁貴...如果單叫呢一隻大閘蟹要$288 ....

如果988/位..就知大閘蟹霸...唔知會唔會正好多呢...

5. 焗蟹蓋

唔係好大個...不過我見到佢個面咁樣炸... 同焗係唔同喎...

食落入面...好唔好食... 因為我好怕食咁多粉既野... 佢應該係用potato 容去加蟹膏做既...我自己好怕食呢種味既野...

6. 韓式蟹泡年糕...

年糕應該係佢地自制... 幾好味... 至於d蟹就唔好諗住可以食啦... "損"下d汁好啦...

7. 芝麻湯圓2粒 (無影相啦..)

8. 唔知大家星期日有無睇名人飯堂..阿家英哥就係介紹呢間西苑... 佢介紹左呢個"杏飽" 正確個名唔記得左...

佢係墨西哥包面...入面係杏人仁咁既...好好食呀...全晚最好食係呢個包... 十蚊一個..唔算好貴...不過我地好狠死咁order左一打....四個人點食到一打... 最終我上司打包左5個返屋企....

最後埋單四位 total HK$ 3,250- 當然係公司數..唔係點食咁豪...哈哈...

入左呢間公司度做我都食過好多好野... 一百蚊粒既和牛... 一百蚊杯既檬蜜都飲過呀....一千蚊位食日本野又食過....重有好多好多...不過以前無blog無得post.....以後會多d post...如果再有得食..又未被人炒...