上回講到我地各自揀左一隻自己鐘意既介指去做我地既婚戎
但當我比朋友睇個時..個個都話似engagement ring... 個個都好話好怪...
搞到我都心思思..唔知點算好
點知尋日行開tst... 竟然比我見到..原來mikemike揀個隻款原來係有女裝..
即係佢揀個隻根本就係對裝介指...
咁我即刻飛卉去睇... 對返mikemike個隻...再問埋個sales...直頭confirm係一模一樣
跟住.... 我就問mikemike...點算...
因為佢好鐘意自己揀個隻款... 起初佢明明話2隻唔一樣好特別...
現家佢又答...咁如果襯返一set又真係好睇d既...
唉.........................................
相量左一個晚上...決定...都係買埋個隻既女裝.... 做返一set
至於本身個隻............無得退錢...如果退錢要蝕2-3千蚊...
所以唯有 "粗帶"....
本身己經out budget... 重要咁樣搞一搞... 再out多out...
不過好多了解我既朋友都知... 我一聽到人地話怪...就一定心思思想湊返成1對
....現家.... 比佢地講中哂....
帶上手...的確係似engagement ring...
唔開心左2日... 個個叫我...當係一個教訓...等自己唔好咁衝動....
用錢買既教訓... 真係好唔抵架...
嗯嗯....真係幾似engagement ring.... 不過幾靚~~~當多件首飾帶下
回覆刪除唔好唔開心~~既然已經解決左就無問題啦~~ $$$ 呢方面, 最多食少幾餐好既, 買少幾件衫就O係返度嫁啦~ (我成日都咁催眠自己 )
但當初點解你唔知你BF O個隻有女裝既??佢唔係一SET SHOW 比你嫁咩??
[版主回覆06/27/2011 12:10:00] 係呀...bf 個隻就咁放係度(全部男裝既放埋一齊).. 佢附近都無女裝款..個經理又無講... 所以都唔知原來係對裝介指..
搞到覺得好似比個個經理玩咁... 無那那又要買過隻...
真係如果唔係經過tst 分店..見佢放一對出黎...我都唔知...
係囉，我都有呢個疑問，佢哋唔係一對咁show俾你哋睇嗎？唔緊要啦，都買咗，多 d 戴日日戴你圖中嗰隻就抵返了，幾靚丫，mikemike又買多隻俾你，幾好，係咪？^^ 咁宜家對靚靚婚戒拎咗去刻名，不如諗下刻甚麼好？
回覆刪除[版主回覆06/27/2011 13:06:00]係呀，佢地無show一對比我睇，有一對既我一早揀左！
重平好多添呀！
刻名個度重煩，原先個隻太幼，字數得好少！
現家個隻更幼，可能要重新諗過刻咩！
不如試下返去嘈個經理啦, 明知你地買婚戒都唔講, 呢個係佢問題!!
回覆刪除[版主回覆06/27/2011 15:12:00]我今晚會試試
但相熟個姐姐話... 公司規矩... 佢都愛莫能助
真係嘈下佢好喎, 咁你地睇個時都講明係睇婚介, 點會唔比晒一對你睇嫁
回覆刪除不過, 你自己本身鐘唔鐘意呢隻介指先, 唔係就唔好嘈啦, 留番來帶多d 啦
[版主回覆06/27/2011 17:41:00]應該咁講... 佢知我地睇婚介... 但見我地話各自揀自己鐘意個隻好無... 佢無出聲話原來我男友個隻有女裝...
suppose..佢真係應該話我知有女裝...睇我考唔考慮... 我都預左買...佢好應該比我睇埋..等我自己諗... 咁佢無講...的確有佢唔啱
唉... 都係怪自己衝動... 不過今晚我都會努力... 睇下佢有咩補償
咁呢隻介指唔可以講話唔鐘意or 鐘意...初時揀黎既用意係婚介...但現家又買過另一隻的話...咁就無左原來個用意... 所以對住佢真係...食之無味棄之可惜...
哈哈, 睇下你有幾想退啦, 如果真係好想, 我唔介意做潑婦, 死嘈爛嘈, 話晒幾千蚊架嘛!!
回覆刪除[版主回覆06/27/2011 17:43:00].... 我今晚都會努力.... 至於潑唔潑婦...就睇下對方既反應..
如果佢完全唔認佢有錯... 咁我都一定會盡顯我終極潑婦既一面... 但如果佢態度好好... 咁我就同佢講定..下次買野要計平d...再攞多d 著數
支持MINNIE 所講, 唔信到時係佢鋪頭嘈, 睇下佢點做生意
回覆刪除不過, 你話到時佢態度好叫佢第日計便D, 始終呢D 野口說無憑, 再者呢個經理仲係唔係呢間鋪到做都係一個問題(佢地應該隔一排就會轉鋪), 就算係到, 到時係咪計便咗都無人知, 除非你有野今晚買理, 唔係我覺得到好難叫佢第日再便D
[版主回覆06/27/2011 21:51:00]我去換左啦，聽日update 比大家知！
YEAH, 恭喜晒
回覆刪除