終於北上試我訂身度造既旗袍...
第一睇見到佢... 覺得幾OK... 不過隻色就淺左D...
有少少.... '唔夠行' 既感覺
著上身...有D闊..因為背後的扭未加扣...所以扣唔到住...
胸位要加pat...但要我試左上身佢先可以幫我確實釘係邊個位
另外就係比預期短...
加裙腳...唔魚尾...
(( 黑眼圈勁嚇人...要遮遮個樣...無謂嚇人))
因為師父有客人係度...未得閒理我...
所以我一直擔心...唔夠長會唔會無得放..
等左三個幾字後...師父得閒...
好在...所有問題都解答哂...
首先...可以放長多一吋...
可以再修窄...
另外...背面既鈕...師父話太大粒...要再改D細粒D既...
改貼身後太約係咁上下...但師父話....塊布太短...而我太高...真係頂盡放多一吋...
希望實際改完會好D...暫時....未覺得好滿意...
希望2個星期後見佢會滿意啦
比左個好朋友睇...佢話太清...問我係咪一定會著...
我本身真係好容易動容...
十個人有九個人話好...但有1個人話唔好...
我都會好擔心....都會覺得唔好...
如果呢件用黎敬酒...帶埋金器....會唔會好D呢?
真係要再 修窄D, 貼身D好睇D 我諗你帶理金 器會好D, 同理可能到時打晒燈又OK呢, 唔做都做咗, 到時先再諗, 同理我諗你要襯理對鞋, 因為唔長, 所以實見到鞋
回覆刪除[版主回覆07/03/2011 09:46:00]係咪真係好一般？
如果放長左會好d, 不過我原意都係想見到小鞋頭，
希望改好會好好多啦！
其實我覺得OK呀~清清地帶 金 器應該唔錯... 但我覺得反而D pattern 好似唔夠出....你本身唔鐘意閃閃定係點?? 如果加少少珠片上去會唔會好d呢...(不過唔好太多) 唔好諗太多~等佢改晒d野先~仲有大把時間慢慢黎
回覆刪除[版主回覆07/03/2011 19:09:00]係啦，我都諗緊加珠片或者係閃石，可能會好d
妳好瘦呀﹗再修窄d啦﹗貼身好睇好多架﹗
回覆刪除[版主回覆07/05/2011 17:00:00]...太瘦...唔係好事...
師父話再收窄...我d胸骨 盤骨會現哂出黎...
唉!!!!!
都ok呀~不過學佢哋話~唔夠閃~當晚可能唔夠突出
回覆刪除[版主回覆07/07/2011 11:24:00]係啦...都有少少失望...